Durga Puja 2023:বাইহাটা চাৰিআলিৰ কমলপুৰত নিৰ্মাণ হৈ আছে ৭০ ফুট উচ্চতাৰ ৰাৱণ

বাইহাটা চাৰিআলি, ২ অক্টোবৰ: শৰতৰ আগমনে আনে পূজাৰ বতৰা । শাৰদী ৰাণী দুৰ্গাৰ পূজালৈ মাজত মাত্ৰ কেইটামান দিন বাকী । ইতিমধ্য়ে ৰাজ্যৰ প্ৰান্তে প্ৰান্তে ইয়াৰ প্ৰস্তুতি আৰম্ভ হৈছে । ব্যস্ততাৰ শেষ নাই উদযাপন সমিতিবোৰৰ । চাৰিওফালে ব্যয়বহুল যেন প্ৰস্তুতিৰ অঘোষিত প্ৰতিযোগিতা । বাইহাটা চাৰিআলিৰ কমলপুৰ আঞ্চলিক সাৰ্বজনীন দুৰ্গোৎসৱ উদযাপন সমিতিয়েও আৰম্ভ কৰিছে প্ৰস্তুতি ।  

এইবাৰৰ বিশেষ আকৰ্ষণ ৭০ ফুট উচ্চতাৰ ৰাৱণ দাহন । শিল্পীসকলে প্ৰায় এমাহ ধৰি দিন ৰাতি কাম কৰি ৭০ ফুট উচ্চতাৰ ৰাৱণ নিৰ্মাণত ব্যস্ত হৈছে । ইয়াৰ উপৰি প্ৰায় বাৰ লাখ টকাৰ বাজেটেৰে দুৰ্গোৎসৱৰ আয়োজন কৰা বুলি উদযাপন সমিতিয়ে উল্লেখ কৰিছে । বিভিন্ন বৰ্ণাঢ্য় কাৰ্যসূচীৰে এইবাৰ কমলপুৰ আঞ্চলিক সাৰ্বজনীন দুৰ্গোৎসৱ অনুষ্ঠিত কৰিব উদযাপন সমিতিয়ে । 

লগতে পঢ়ক:Jatin Bora: ২০২৪-২৫ নাট্যবৰ্ষত ইতিহাস থিয়েটাৰৰ মঞ্চত দেখা যাব যতীন বৰাক