Photo journalist attacked: চামগুৰিত দুৰ্বৃত্তৰ আক্ৰমণৰ বলি ফটো সাংবাদিক

চামগুৰি,৭ ছেপ্টেম্বৰ: ৰাজ্যৰ বিভিন্ন প্ৰান্ত সাংবাদিক নিগ্ৰহৰ খবৰে সংবাদ শিৰোনাম দখল কৰি থকাৰ সময়তে অচিনাক্ত দুৰ্বৃত্তৰ আক্ৰমণৰ বলি হ'ল এগৰাকী ফটো সাংবাদিক । চামগুৰিৰ ফটো সাংবাদিক ফৰিদ উদ্দিন আহমেদক অচিনাক্ত দুৰ্বৃত্তৰ আক্ৰমণ ।  

নিশা এটা চেটেলাইট নিউজ চেনেলৰ চামগুৰিৰ ফটো সাংবাদিক ফৰিদ উদ্দিন আহমেদক অচিনাক্ত দুৰ্বৃত্তই আক্ৰমণ কৰি লুটি নিয়ে নগদ ৫ হাজাৰ টকা । ফটো সাংবাদিকগৰাকীয়ে জনোৱা অনুসৰি শালপাৰা বজাৰৰ পৰা গৃহ অভিমুখে বাইকেৰে আহি থকা অৱস্থাত ফৰিদক স্কুটীত অহা দুই দুৰ্বৃত্তই পথ আগুচি ধৰি পিঠিত আক্ৰমণ কৰে আৰু বলপূৰ্বকভাবে নগদ ৫ হাজাৰ টকা লুটি লৈ যায় ।  

ঘৰৰ নিচেই কাষতেই এনেদৰে এগৰাকী ফটো সাংবাদিক দুৰ্বৃত্তৰ আক্ৰমণ, লুট-পাতৰ সন্মুখীন হোৱাক কেন্দ্ৰ কৰি অঞ্চলজুৰি তীব্ৰ চাঞ্চল্যৰ সৃষ্টি হৈছে । এই ঘটনা সন্দৰ্ভত নিশাই ৰূপহীহাট আৰক্ষীক অৱগত কৰিছে ভুক্তভোগী ফটো সাংবাদিকগৰাকীয়ে । পিছে এই ক্ষেত্ৰত আৰক্ষীয়ে কি ভূমিকা গ্ৰহণ কৰে সেয়া লক্ষণীয় হ'ব ।  

লগতে পঢ়ক: Theft in Dhemaji: ধেমাজি মাছখোৱাত চোৰৰ লুটপাত