অগপৰ বৰ্তমানৰ কোনো বিধায়কে নেখেলে লোকসভা নিৰ্বাচন : ফণী ভূষণ চৌধুৰী

বঙাইগাঁও, 26 ডিচেম্বৰ : ‘‘আমাৰ প্ৰাৰ্থী বহু আছে ৷ মই লোকসভা নিৰ্বাচনত প্ৰতিদ্বন্দ্বিতা নকৰো ৷ কিন্তু বৰপেটা সমষ্টিতো অসম গণ পৰিষদে পাব, সেয়া আমাৰ দৃঢ় বিশ্বাস ৷ অসম গণ পৰিষদত বহু প্ৰাৰ্থী আছে ৷ ফণী ভূষণক বাদ দি অসম গণ পৰিষদৰ যোগ্য 4/5 জন প্ৰাৰ্থীৰ ভিতৰত এজনে প্ৰতিদ্বন্দ্বিতা কৰিব ৷’’ আগন্তুক লোকসভা নিৰ্বাচনক লৈ এই মন্তব্য কৰে বঙাইগাঁও বিধানসভা সমষ্টিৰ বিধায়ক ফণী ভূষণ চৌধুৰীয়ে ৷

বঙাইগাঁৱত অনুষ্ঠিত হৈ আছে খেল মহাৰণ ৷ এই খেল মহাৰণৰ অনুষ্ঠানত উপস্থিত হৈ সংবাদ মাধ্যমৰ আগত কেতবোৰ মন্তব্য কৰে ফণী ভূষণ চৌধুৰীয়ে ৷ তেওঁ কয়, ‘‘কোনে নিৰ্বাচন খেলিব, কোনে নেখেলে সেয়া মই নকওঁ ৷ কিন্তু অগপ দলৰ বৰ্তমানৰ কোনো বিধায়কে নেখেলে লোকসভা নিৰ্বাচন ৷ এয়া দলৰ সিদ্ধান্ত’’ ৷

লগতে পঢ়ক : 12 বছৰজোৰা এক প্ৰক্ৰিয়া সফল সমাপ্তিৰ দিশে; 29 ডিচেম্বৰত স্বাক্ষৰিত হ’ব আলফা-ভাৰত চৰকাৰৰ মাজত শান্তি চুক্তি