Road accident: ভাতৃ দ্বিতীয়াত ভাতৃক ফোঁট লগাবলৈ নাপালে ভগ্নীয়ে

তিনিচুকীয়া, 16 নৱেম্বৰ : ৰাজ্যৰ চৌদিশে কালীপূজাৰ আনন্দৰ মাজতে বুধবাৰে তিনিচুকীয়া জিলাৰ জাগুন আৰক্ষী চকীৰ অন্তৰ্গত ৰামপুৰ পাঁচ মাইলত ভয়ংকৰ পথ দুর্ঘটনা সংঘটিত হয় । দুৰ্ঘটনাটোত এখন তীব্ৰবেগী বাইকৰ খুন্দাত থিতাতে নিহত হয় এগৰাকী পথচাৰী ।

দুৰ্ঘটনা সংঘটিত কৰা মটৰচাইকেলখনৰ নম্বৰ হৈছে AS 23 Q6037 ৷ নিহত লোকজন মাৰ্ঘেৰিটাৰ কেটেতং গাঁৱৰ নিবাসী হৰি প্ৰসাদ শৰ্মা (৫৫) বুলি জানিব পৰা গৈছে ৷ বুধবাৰে ভাতৃ দ্বিতীয়াৰ দিনা নিজৰ ভগ্নীৰ ঘৰলৈ বুলি ফোঁট লগাবলৈ গৈ থকাৰ সময়তে বাইকৰ খুন্দাত নিহত হয় লোকজন । পৰৱৰ্তী সময়ত নিহত লোকজনক স্থানীয় ৰাইজৰ সহযোগত আৰক্ষীয়ে উদ্ধাৰ কৰি মৰণোত্তৰ পৰীক্ষাৰ বাবে চিকিৎসালয়লৈ প্ৰেৰণ কৰে ৷ ইয়াৰ লগতে দুৰ্ঘটনা সংঘটিত কৰা মটৰচাইকেলখন উদ্ধাৰ কৰি আৰক্ষীয়ে অব্যাহত ৰাখিছে তদন্ত ৷

লগতে পঢ়ক : Road accident: লখিমপুৰৰ বঙালমৰাত পথ দুৰ্ঘটনা