Naharkatiya:নাহৰকটীয়াত ৰে’লৰ খুন্দাত এজন যুৱক নিহত

নাহৰকটীয়া,১৭ জুলাই: নাহৰকটীয়াত চাঞ্চল্যকৰ ঘটনা ৷ ৰে’লৰ খুন্দাত এজন যুৱক নিহত হয় ৷ উল্লেখযোগ্য যে নাহৰকটীয়া দীঘলাপথাৰ নিৱাসী নিখিল বৰুৱা নামৰ যুৱকজনে সোমবাৰে দুপৰীয়া ঘৰৰ পৰা নাহৰকটীয়া চহৰলৈ আহিছিল ৷  ৰে’ল লাইন পাৰ হোৱা সময়তে নামনিমুৱা ডিব্ৰুগড়-চণ্ডিগড় এক্সপ্ৰেছে যুৱকজনক মহতিয়াই নিয়ে ৷ ফলত থিতাতে নিহত হয়  নিখিল বৰুৱা নামৰ যুৱকজন ৷

স্থানীয় লোকৰ সন্দেহ, নিখিল বৰুৱা নামৰ যুৱক জনে হেডফোন ব্যৱহাৰ কৰি ৰে’ল লাইন পাৰ হৈছিল ৷ তেনে সময়তে এই দুৰ্ঘটনা হোৱা বুলি সন্দেহ প্ৰকাশ কৰিছে ৰাইজে ৷ আনহাতে যুৱক জনে বাৰে বাৰে ৰে’ল লাইন পাৰ কৰি আছিল বুলি জানিবলৈ দিছে প্ৰত্যক্ষদৰ্শীয়ে ৷ এয়া আত্মহত্যা নে হেডফোনৰ ব্যৱহাৰৰ বাবে দুৰ্ভাগ্যজনক ঘটনাটো সংঘটিত হ’ল সেয়া ৰহস্যৰ আৱৰ্তত ৷ ইতিমধ্য ঘটনাস্থলীত আৰক্ষী উপস্থিত হৈ মৃতদেহ উদ্ধাৰ কৰিছে ৷

লগতে পঢ়ক:Felicitation programme in Naharjatia: নাহৰকটীয়াত আছুৰ বিশেষ অভিনন্দন অনুষ্ঠান