MP Tapan Kumar Gogoi at Moran: মৰাণত টেবুল টেনিছ খেলুৱৈৰ ৰূপত সাংসদ তপন কুমাৰ গগৈ

চৰাইদেউ জিলাৰ মাহমৰা সমষ্টিৰ অন্তৰ্গত মৰাণ নগৰৰ মাজমজিয়াত অৱস্থিত মৰাণ মহিলা মহাবিদ্যালয়ৰ ইনড'ৰ ষ্টেডিয়ামটো(Indoor Stadium of Moran Women's College) বৃহস্পতিবাৰে যোৰহাট লোকসভা সমষ্টিৰ সাংসদ তপন কুমাৰ গগৈয়ে(MP Tapan Kumar Gogoi at Moran) উদ্ধোধন কৰে ৷ বিশ্ববিদ্যালয় অনুদান আয়োগৰ(University grants commission) পুঁজি আৰু মহাবিদ্যালয় পুঁজিৰ প্ৰায় ৬৫ লাখ টকাৰে নিৰ্মাণ কৰা হয় এই ইনড'ৰ ষ্টেডিয়ামটো ৷ উদ্বোধনী অনুষ্ঠানত মৰাণ মহিলা মহাবিদ্যালয়ৰ পৰিচালনা সমিতিৰ সভানেত্ৰী ড৹ সুখ বৰুৱা, মহাবিদ্যালয়খনৰ অধ্যক্ষা জয়শ্ৰী ফুকন, মাহমৰা ৰাজহ চক্ৰৰ চক্ৰ বিষয়া ইণ্ডিকা গগৈ, মৰাণ পৌৰসভাৰ পৌৰপতি, উপ-পৌৰপতি উপস্থিত থাকে । নৱ নিৰ্মিত ইনড'ৰ ষ্টেডিয়ামটোৰ জড়িয়তে মৰাণ মহিলা মহাবিদ্যালয়ৰ ছাত্ৰীসকল উপকৃত হ'ব বুলি আশা ব্যক্ত কৰে সাংসদগৰাকীয়ে ৷ তেওঁ লগতে নৱনিৰ্মিত ইনড'ৰ ষ্টেডিয়ামটোত টেবুল টেনিছ খেলি ইয়াৰ আনন্দ উপভোগ কৰে ৷