Pradyut Bordoloi press conference: মই কংগ্ৰেছ এৰি বিজেপিলৈ যোৱাৰ কথা ভিত্তিহীন- সাংসদ প্ৰদ্যুৎ বৰদলৈ

নগাঁও, 17 জুন : "ৰাজনীতিৰ প্ৰতিপক্ষই অহৰহে প্ৰচেষ্টা চলাই থাকে ৷ বহুতে কয়, মই কংগ্ৰেছ এৰি বিজেপিলৈ যাম, কিন্তু এই কথা ভিত্তিহীন ৷ মই বাৰে বাৰে কোৱাৰ পিচতো এনেদৰে মিছা কথা এটা বিয়পাই ফুৰাটো আমাৰ দলীয় কৰ্মীসকলৰ মনোবল হ্ৰাস কৰাৰ বাবে কৰা এক চেষ্টা বুলি আমি ভাবিবলৈ লৈছো ৷ বৰ্তমান চৰকাৰখনে পক্ষপাতিত্ব কৰা পৰিলক্ষিত হৈছে ৷" নগাঁও লোকসভা সমষ্টিৰ সাংসদ প্ৰদ্যুৎ বৰদলৈয়ে এই মন্তব্য প্ৰকাশ কৰে ৷  

অসম প্ৰদেশ কংগ্ৰেছে এ আই ইউ ডি এফৰে মিত্ৰতাৰ বিৰোধিতা কৰাৰ সময়ত শনিবাৰে নগাঁৱত সংবাদ মাধ্যমৰ সন্মুখত এ আই ইউ ডি এফৰে মিত্ৰতা সন্দৰ্ভত সাংসদ প্ৰদ্যুৎ বৰদলৈৰ মন্তব্য ৷ তেওঁ কয় যে, দলে যি সিদ্ধান্ত লয় সেয়া মানি লোৱা হ'ব ৷ ইপিনে দেশৰ ভিতৰতে সৰ্বাধিক মহিলা নিগ্ৰহৰ ঘটনা অসমতে সংঘটিত হোৱা বুলিও মন্তব্য প্ৰকাশ কৰি চৰকাৰৰ ওপৰত ক্ষোভ উজাৰে সাংসদ প্ৰদ্যুৎ বৰদলৈয়ে ৷

লগতে পঢ়ক: Double suicide at Noonmati: নুনমাটিত একেদিনাই দুটাকৈ আত্মহত্যাৰ ঘটনা