Fire in Sotea: ভয়ংকৰ অগ্নিকাণ্ড; নিমিষতে ভষ্মীভূত এজন লোকৰ বাসগৃহ

চতিয়া,১৩ অক্টোবৰ: শোণিতপুৰ জিলাৰ বালিগাঁৱৰ সমীপৰ চিকমত বৃহস্পতিবাৰে বিয়লি সংঘটিত হয় এক ভয়ানক অগ্নিকাণ্ড ৷ অগ্নিকাণ্ডত সম্পূৰ্নৰূপে ভস্মীভূত চিকম নিৱাসী দালুন মিলিৰ বাসগৃহ ৷ দুদিনপূৰ্বে দালুন মিলিয়ে গৰু বিক্ৰী কৰি পোৱা নগদ ৯০ হেজাৰ টকাসহ কচু বিক্ৰী কৰি লাভ কৰা নগদ ধন ৬০ হেজাৰ টকা পুৰি ছাই হৈ যায় ৷  

অগ্নিকাণ্ডত দালুন মিলিৰ নগদ ধনসহ সোনৰ আ-অলংকাৰ, ট্ৰেক্টৰসহ সকলো নথি-পত্ৰ জুইত জাহ যায় । ভয়াবহ অগ্নিকাণ্ডত কথমপি ৰক্ষা পৰে ওচৰ-চুবুৰীয়া ৷ অৱশ্যে স্থানীয় ৰাইজৰ তৎপৰতাত পৰৱৰ্তী সময়ত নিৰ্বাপন কৰা হয় জুই ৷ আপোন ঘৰটো হেৰুৱাই শোকত ভাগি পৰিছে দালুন মিলিসহ পৰিয়ালবৰ্গ । কৃষি-কৰ্ম কৰি পোহপাল‌ দিয়া পৰিয়ালটিক ঊদ্ধাৰ কৰিবলৈ মুখ্যমন্ত্ৰীৰ‌ লগতে স্থানীয় বিধায়কক কাতৰ অনুৰোধ জনাইছে স্থানীয় ৰাইজৰ লগতে পৰিয়ালৰ লোকে ।  

লগতে পঢ়ক: Fire breaks out: তিনিচুকীয়াত মাজনিশা বিধ্বংসী অগ্নিকাণ্ড