Massive fire breaks out : বৰপেটাৰোডত ভয়ংকৰ অগ্নিকাণ্ড; তিনিটাকৈ ঘৰ-চাৰিখন দোকান ভস্মীভূত

বৰপেটাৰোড, 2 নৱেম্বৰ : বৃহস্পতিবাৰে বৰপেটাৰোডৰ চাইনবৰ্ডৰ সমীপত এক ভয়ংকৰ অগ্নিকাণ্ডৰ ঘটনা সংঘটিত হয় ৷ জাহ যায় দুটাকৈ বাসগৃহৰ লগতে চাৰিখনকৈ দোকান ৷ শ্বৰ্ট চাৰ্কিটৰ ফলতে এই ভয়ংকৰ অগ্নিকাণ্ড হোৱা বুলি সন্দেহ কৰিছে স্থানীয় ৰাইজে ৷

আজি বিয়লিৰ ভাগত সংঘটিত হোৱা ভয়ংকৰ অগ্নিকাণ্ডত চাইনবৰ্ডৰ ৰফিকুল আলী, আফজালুৰ ৰহমান আৰু আফছাৰ আলীৰ বাসগৃহৰ লগতে চাৰিখনকৈ ব্যৱসায়ী প্ৰতিষ্ঠান ভস্মীভূত হয় ৷ ফলত বহু লক্ষাধিক টকাৰ সম্পত্তি জাহ যায় বুলি জানিব পৰা গৈছে ৷

ইফালে ঘটনাস্থলীত বহু পলমকৈ অগ্নিনিৰ্বাপক বাহিনী উপস্থিত হোৱাৰ অভিযোগ উত্থাপন কৰিছে ৰাইজে ৷ ‘‘জুইৰ সূত্ৰপাত হোৱাৰ লগে লগে বৰপেটাৰোডৰ অগ্নিনিৰ্বাপক বাহিনীক খবৰ দিয়া হৈছিল ৷ কিন্তু ৰে’ল গেটৰ বাবে ঘটনাস্থলীত পলমকৈ অগ্নিনিৰ্বাপক বাহিনীৰ বাহন উপস্থিত হয় ৷’’ এই মন্তব্য ৰাইজৰ ৷

লগতে পঢ়ক:Army worm in paddy fields: লহপহীয়া শালি ধান এফালৰ পৰা নষ্ট কৰিছে শুৰ পোকে; কৃষকৰ হাহাকাৰ