Labour killed his master: কথাৰ কটাকটিতেই বেটেৰে মৰিয়াই মালিকক হত্যা

তেজপুৰ, ৫ মে’ : তেজপুৰত অঘটন,  সুৰাৰ ৰাগীতেই মালিকক মৰিয়াই হত্যা কৰিলে এটা লগুৱাই ৷ তেজপুৰ বাম-বেছেৰীয়াত নিজ ঘৰতে থকা খেতি কৰা লগুৱাই মৰিয়াই মৰিয়াই হত্যা কৰিলে গৃহস্থক ৷ উপেন নাথ নামৰ ব্যক্তিজনক কৃষি কাৰ্যত সহায় কৰা লগুৱা ধীৰেন তাঁতীয়ে ঘৰৰ চোতালতে মৰিয়াই মৰিয়াই হত্যা কৰে (labour allegedly killed his master in Tezpur) ৷

হত্যাকৰী ধীৰেনৰ ঘৰ শোণিতপুৰ জিলাৰ সোনাবিলত । বিগত চাৰি পাঁচ বছৰ মান ধৰি ধীৰেন উপেন নাথৰ ঘৰতেই থাকে আৰু উপেন নাথৰ চাপৰিৰ খেতিৰ কাম চোৱাচিতা কৰি আহিছিল । বৃহস্পতিবাৰে নিশা ৯ মান বজাত ঘটনাৰ পূৰ্বে মদ্যপান কৰি আছিল দুয়োজনে ৷ সেই সময়তে দুয়োজনৰ মাজত কথাৰ কটাকটি লাগি পৰৱৰ্তী সময়ত দুয়ো তৰ্কযুদ্ধত লিপ্ত হয়, তাৰ পিচত ধীৰেন তাঁতীয়ে ক্ৰিকেট খেলা বেটেৰে মৰিয়াই হত্যা কৰে উপেন নাথক । ধীৰেন তাঁতী বৰ্তমান গ্ৰেপ্তাৰ কৰিছে আৰক্ষীয়ে । উপেন নাথ অঞ্চলটোৰ এগৰাকী সফল আদৰ্শবান খেতিয়ক আছিল ৷

লগতে পঢ়ক : Priya Datta from Jorhat : এগৰাকী কণমানি কিশোৰীৰ কৰুণ জীৱন গাঁথা; লাগে আপোনাৰ কিঞ্চিৎ সহায়