বৰপথাৰত অনুষ্ঠিত আন্তঃজিলা মহিলা হেণ্ডবল প্ৰতিযোগিতা

গোলাঘাট, ১৯ নৱেম্বৰ : গোলাঘাট জিলাৰ বৰপথাৰত সদৌ অসম ভিত্তিত ২৯ সংখ্যক অমূল্য দাস সোঁৱৰণী আন্তঃজিলা ১৯ বছৰ অনুৰ্ধ্বৰ মহিলা হেণ্ডবল প্ৰতিযোগিতা আৰম্ভ । সদৌ অসম হেণ্ডবল সন্থাৰ উদ্যোগত গোলাঘাট জিলা হেণ্ডবল সন্থাৰ সহযোগত বৰপথাৰৰ অমৃত ইন্টাৰনেছনেল স্কুলৰ খেলপথাৰত তিনিদিনীয়াকৈ অনুষ্ঠিত কৰা হয় এই প্ৰতিযোগিতাখনি । প্ৰতিযোগিতাত ৰাজ্যৰ ভিন্ন প্ৰান্তৰ কেইবাখনো জিলাৰ ১৭ টাকৈ মহিলা দলে অংশগ্ৰহণ কৰিব ।

শনিবাৰৰে পৰা অনুষ্ঠিত হোৱা প্ৰতিযোগিতাখনিৰ শুভাৰম্ভণি অনুষ্ঠানত সদৌ অসম হেণ্ডবল সন্থাৰ সভাপতি অমল নাৰায়ণ পাটোৱাৰী, সম্পাদক পিকলু ৰয়কে ধৰি হেণ্ডবল সন্থাৰ বিষয়ববীয়াকে ধৰি বিদ্যালয়খনৰ ছাত্ৰ-ছাত্ৰী, শতাধিক ৰাইজ উপস্থিত থাকে । আনহাতে, উক্ত প্ৰতিযোগিতাখনিৰ পৰা বাৰানসীত অনুষ্ঠিত হ'ব লগা ১৯ বছৰ অনুৰ্ধ্ব ৰাষ্ট্ৰীয় হেণ্ডবল প্ৰতিযোগিতাখনিলৈ মহিলা অসম দলৰ বাচনি হ'ব বুলি উদ্যোক্তাসকলে জানিবলৈ দিয়ে ।

লগতে পঢ়ক: মাজুলীৰ আউনীআটী সত্ৰৰ পৰা স্বৰ্ণপদক লাভ কৰিলে নলবাৰীৰ দুই মেধাৱী ছাত্ৰীয়ে