GRPF detain men with arms : উজনিমুৱা গুৱাহাটী-লিডু ইন্টাৰচিটি এক্সপ্ৰেছৰ পৰা পিষ্টলসহ আটক দুই ব্যক্তি

তিনিচুকীয়া, ১৬ অক্টোবৰ : দেওবাৰে উজনিমুৱা গুৱাহাটী-লিডু ইন্টাৰচিটি এক্সপ্ৰেছত হঠাৎ সৃষ্টি হয় এক হুলস্থূলীয়া পৰিৱেশৰ ৷ উজনিমুৱা গুৱাহাটী-লিডু ইন্টাৰচিটি এক্সপ্ৰেছত অহা সন্দেহজনক দুই ব্যক্তিৰ পৰা ৰে’ল আৰক্ষীয়ে জব্দ কৰে পিষ্টল ৷

এক গোপন সূত্ৰৰ তথ্যৰ ভিত্তিতে ৰে’ল আৰক্ষী (GRPF) এ ইন্টাৰচিটি এক্সপ্ৰেছত অভিযান চলায় ৷ এই অভিযানত GRPF এ ডিগবৈ ৰে’ল ষ্টেচনৰ পৰা আটক কৰে দুই বন্দুকধাৰীক ৷ তাৰ পাচত GRPF এ ডিগবৈ ৰে’ল ষ্টেচনৰ পৰা দুই বন্দুকধাৰীক আটক কৰি লিডু ৰে’ল ষ্টেচনত উপস্থিত হয় ।

ধৃত দুই ব্যক্তি ক্ৰমে বোকাজানৰ অবিনাশ ধন (৩২) আৰু এজন বিশ্বনাথৰ জিনজিয়াৰ নৰেশ গঢ় (৪২) বুলি জানিব পৰা গৈছে । ধৃত দুই ব্যক্তিৰ পৰা GRPF এ ৪ জাই সজীৱ গুলীসহ দুটা ৭.৬৫mm লোডেড পিষ্টল জব্দ কৰিবলৈ সক্ষম হয় । পৰৱৰ্তী সময়ত ধৃত দুয়োকে তিনিচুকীয়ালৈ লৈ আনি মাৰাথন জেৰা অব্যাহত ৰাখিছে GRPF এ ৷

অৱশ্যে কি উদ্দেশ্যত এই দুই ব্যক্তিয়ে ৰে’লৰ জৰিয়তে গৈ লিডুত আহি উপস্থিত হৈছিল, সেয়া এতিয়াও জানিব পৰা হোৱা নাই ৷

লগতে পঢ়ক : Samaguri Asomi Haat : নগাঁৱৰ অসমী হাট পৰিদৰ্শন গ্ৰামোন্নয়ন মন্ত্ৰী ৰণজিৎ দাসৰ