মহুৰামুখ প্ৰেছ ক্লাবৰ কাৰ্যালয় আৰু প্ৰেক্ষাগৃহ নিৰ্মাণ প্ৰকল্পৰ আধাৰশিলা স্থাপন

গোলাঘাট, 6 ডিচেম্বৰ : বুধবাৰে গোলাঘাটৰ জিলাৰ মহুৰামুখ প্ৰেছ ক্লাবৰ কাৰ্যালয় আৰু প্ৰেক্ষাগৃহ নিৰ্মাণ প্ৰকল্পৰ আধাৰশিলা স্থাপন কৰে মিচিং স্বায়ত্তশাসিত পৰিষদৰ কাৰ্যবাহী সদস্য পুৰুষোত্তম দ’লেয়ে ৷ কমাৰগাঁও প্ৰেছ ক্লাবৰ সম্পাদক ৰিন্টু দুৱৰাই বন্তি প্ৰজ্বলন কৰা পিচতেই ৰঙা ফিটা কাটি আধাৰশিলা স্থাপন কৰে মিচিং স্বায়ত্তশাসিত পৰিষদৰ কাৰ্যবাহী সদস্যগৰাকীয়ে ৷

দ’লেই নিজ বক্তব্যত কয় যে, মহুৰামুখ প্ৰেছ ক্লাবে বহুদিনৰ পূৰ্বৰ পৰা পৰিকল্পনা কৰি মিচিং স্বায়ত্তশাসিত পৰিষদক আবেদন নিবেদন জনায় অহাৰ অন্তত প্ৰেছ ক্লাবৰ নামত কাৰ্যালয় আৰু প্ৰেক্ষাগৃহ নিৰ্মাণৰ ক্ষেত্ৰত 30 লাখ টকা মঞ্জুৰি প্ৰদান কৰা হৈছে ৷ গণতন্ত্ৰৰ চতুৰ্থ স্তম্ভ সাংবাদিকসকলক সমাজৰ এক জাগ্ৰত প্ৰহৰী হিচাপে সদায় গণ্য কৰি অহা হৈছে ৷ ভৱিষ্যতেও সমাজৰ বিভিন্ন সমস্যাৰ লগতে ৰাজনৈতিক আৰু আৰ্থ সামাজিক দিশৰ ওপৰত চৰকাৰ-প্ৰশাসনৰ ওপৰত দৃষ্টি আকৰ্ষণ কৰি যাব বুলি উল্লেখ কৰে ।

লগতে পঢ়ক: এক্সিছ বেংকত 4 মিনিটত 16 লাখ টকা লুটিলে ডকাইতে