Fire breaks out: বিধ্বংসী অগ্নিকাণ্ড; চকুৰ সন্মুখতে ছাই হৈ গ’ল ব্যৱসায়িক প্ৰতিষ্ঠান

ধুবুৰী, 18 আগষ্ট : ধুবুৰী চহৰত ভয়ংকৰ অগ্নিকাণ্ডৰ ঘটনা সংঘটিত হৈছে । ধুবুৰী চহৰৰ চেয়াৰমেন ৰোডৰ এখন ব্যৱসায়িক প্ৰতিষ্ঠান আৰু এটা বাসগৃহত সংঘটিত হয় অগ্নিকাণ্ডৰ ঘটনা । এই বিধ্বংসী অগ্নিকাণ্ডই শেখ আজম নুৰ উদ্দিন নামৰ ব্যৱসায়ীজনৰ চুপাৰ ষ্টোৰ নামৰ এখন ব্যৱসায়িক প্ৰতিষ্ঠানত বিস্তৰ ক্ষতিসাধন কৰে । 

এই অগ্নিকাণ্ডৰ ঘটনাত প্ৰায় ১৫ লক্ষাধিক টকাৰ সম্পতি সম্পূৰ্ণৰূপে ভস্মীভূত হোৱাৰ আশংকা কৰিছে ব্যৱসায়ীজনে । লগে লগে ঘটনাস্থলীত দুখনকৈ অগ্নিনিৰ্বাপক বাহিনীৰ গাড়ী উপস্থিত হৈ জুই নিৰ্বাপিত কৰিবলৈ সক্ষম হয় ৷ অতি ঘন জনবসতিপূৰ্ণ অঞ্চলটোত বহু কেইখন ব্যৱসায়িক প্ৰতিষ্ঠানৰ উপৰিও কাষতেই আছিল পাঞ্জাৱ নেচনেল বেংক। 

জুই নিৰ্বাপিত হোৱাৰ ফলত কথমপি ৰক্ষা পৰে অঞ্চলটো। অগ্নিকাণ্ডৰ ফলত  হাঁহাকাৰময় পৰিৱেশৰ সৃষ্টি হয় বজাৰখনত। অৱশ্যে ক’ৰ পৰা জুইৰ উৎপত্তি হৈছে সেয়া উদ্ঘাটন হোৱা নাই ৷

লগতে পঢ়ক: Woman murder in train: চলন্ত ৰে’লত নিচাযুক্ত দ্ৰব্য খুৱাই মহিলাক হত্যা