কমলপুৰত বিধ্বস্ত অংগনৱাড়ী কেন্দ্ৰতেই চলিছে পাঠদান

মুখ্যমন্ত্ৰী ড৹হিমন্ত বিশ্ব শৰ্মাই (CM Dr Himanta Biswa Sarma)কেইমাহমান পূৰ্বে সাংসদ,ৰাজ্যৰ মন্ত্ৰী-বিধায়কক নিজ নিজ সমষ্টিৰ অংগনৱাড়ী কেন্দ্ৰসমূহ পৰিদৰ্শন কৰি উক্ত কেন্দ্ৰসমূহ কেনেদৰে পৰিচালিত হৈছে তাৰ বুজ ল'বলৈ নিৰ্দেশ দিছিল । তাৰ পিছতো কামৰূপ জিলাৰ জৰাজীৰ্ণ এটা অংগনৱাড়ী (Dilapidated Anganwadi Centre Baihata chariali)কেন্দ্ৰটোই ৰাইজৰ চকু কপালত তুলিছে । বাইহাটা চাৰিআলিৰ কমলপুৰৰ(Broken Anganwadi Centre in Kamalpur)দিগুণপাৰত অৱস্থিত অংগনৱাড়ী কেন্দ্ৰটো বিধ্বস্ত হৈ পৰিছে । কমলপুৰ ৰঙিয়া শিশু উন্নয়ণ প্ৰকল্পৰ অধীনৰ এই অংগনৱাড়ী কেন্দ্ৰটোৰ তথৈবছ অৱস্থা । ভাঙি-চিঙি যোৱাৰ উপক্ৰম হৈছে এই কেন্দ্ৰটো । বৰষুণ দিলে কেন্দ্ৰটোলৈ আহিব নোৱাৰে শিশু সকলে । এই কেন্দ্ৰটোৰ ভিতৰৰ পৰাই দেখি গছ-লতাৰ পাত । জহি -খহি যোৱাৰ লগতে ফাটি গৈছে মজিয়া । ফলত ইয়াত সহজতে সোমায় থাকিব পাৰে সাপ-ভেকুলী আদি । শিশু খাদ্যৰ নামত যি বয়-বস্তু আহে সেয়া বনাই খুওৱাৰ পৰিবৰ্তে ভগাই দিলগীয়া হৈছে । বিগত ছয় বছৰে ভগ্ন গৃহতেই শিশু সকলক শিক্ষা দান কৰি আহিছে । বিভাগীয় কৰ্তৃপক্ষক এই বিষয়ে অৱগত কৰাৰ পিছতো গা লৰা নাই বিভাগৰ । যি সময়ত ৰাজ্যৰ বিভিন্ন স্থানত অত্যাধুনিক অংগনৱাড়ী কেন্দ্ৰ নিৰ্মান চলি আছে,তেনে সময়ত এই কেন্দ্ৰটোৰ ভিতৰৰ দৃশ্য দেখিলে চকু কপাালত উঠিব । এই কেন্দ্ৰটো অতিশীঘ্ৰে মেৰামতি কৰিবলৈ আহ্বান জনাইছে অভিভাৱকসকলে।