Man dies after hit by train: গুৱাহাটীৰ তেতেলীয়াত ৰে’লৰ খুন্দাত অধ্যাপক নিহত

গুৱাহাটী, 6 ছেপ্টেম্বৰ: গুৱাহাটী মহানগৰীত চাঞ্চল্যকৰ ঘটনা ৷ ৰে’লৰ খুন্দাত প্ৰাণ গ’ল এজনৰ ৷  জালুকবাৰীৰ সমীপৱৰ্তী তেতেলীয়াত বুধবাৰে সংঘটিত হৈছে এই দুৰ্ঘটনা ৷ ৰে’লৰ খুন্দাত মৃত্যু ঘটা লোকজনৰ নাম ছফিকুল ইছলাম ৷ নিহত ছফিকুলৰ ঘৰ নগৰবেৰাত বুলি জানিব পৰা গৈছে ৷ আনহাতে জালুকবাৰীৰ এখন ব্যক্তিগত মহাবিদ্যালয়ৰ অধ্যাপক হিচাপে কৰ্মৰত আছিল নিহত ছফিকুল ইছলাম ৷ ৰে’লৰ খুন্দাৰ ফলত ৰে’ললাইনৰ পৰা দাঁতিত চিটিকি পৰে লোকজন ।

ইতিমধ্যে ঘটনাস্থলীত আৰক্ষী উপস্থিত হৈ মৃতদেহ উদ্ধাৰ কৰে  ৷ কেনে পৰিস্থিতিত ৰে’লৰ খুন্দাত লোকজনৰ মৃত্যু ঘটে সেয়া এতিয়াও স্পষ্ট হোৱা নাই ৷ পিছে পাৰিবাৰিক কন্দলৰ বাবে আত্মহত্যা নে হত্যাকাণ্ড সেয়া আৰক্ষীৰ তদন্তত পোহৰলৈ আহিব ৷ 

ইতিমধ্যে উক্ত স্থানত নিহত ছফিকুল ইছলামৰ আত্মীয় উপস্থিত হৈছে ৷

লগতে পঢ়ক:ASP Subhalakshmi Dutta case:ASP শুভলক্ষ্মী দত্তৰ সন্ধানত নামি পৰিছে শিৱসাগৰ আৰক্ষী