Massive Fire breaks out in Bus Stand: বেংগালুৰুৰ বীৰাভদ্ৰ নগৰৰ বাছ আস্থানত অগ্নিকাণ্ড

নিউজ ডেস্ক, ৩০ অক্টোবৰ: বেংগালুৰুৰ বীৰাভদ্ৰ নগৰৰ বাছ আস্থানত সোমবাৰে সংঘটিত হয় ভয়ংকৰ অগ্নিকাণ্ড ৷ বাছ আস্থানত আকস্মিকভাৱে সংঘটিত হোৱা এই অগ্নিকাণ্ডত জাহ যায় ৯খনতকৈও অধিক বাছ । বৰ্তমানলৈ জানিব পৰা হোৱা নাই অগ্নিকাণ্ডৰ কাৰণ ৷

এছ ভি কোচ নামৰ বাছ আস্থানটোত নতুন আৰু পুৰণি বাছৰ ইঞ্জিনৰ বডি ফিট কৰাৰ কাম কৰা সময়তে সংঘটিত হয় এই অগ্নিকাণ্ড । জানিব পৰা মতে জুইৰ লেলিহান শিখাই হঠাতে ছানি ধৰে আস্থানত ৰখাই থোৱা বাছবোৰত ৷ 

এই অগ্নিকাণ্ডৰ সম্ভেদ লাভ কৰাৰ পাচতেই ঘটনাস্থলীত দুখনকৈ অগ্নিনিৰ্বাপক বাহিনীৰ বাহনে জুই নিৰ্বাপনৰ চেষ্টা অব্যাহত ৰাখিছে ৷ অগ্নিকাণ্ডত অধিক বাছ ক্ষতিগ্ৰস্ত হোৱাৰ সম্ভাৱনা আছে ৷ অৱশ্যে বৰ্তমানলৈ কোনো লোক হতাহত হোৱাৰ তথ্য লাভ কৰা হোৱা নাই ৷ 

লগতে পঢ়ক: Fire Break out : বিধ্বংসী অগ্নিকাণ্ডত ছাই হ’ল কেইবাখনো ব্যৱসায়িক প্ৰতিষ্ঠান