Bullets recovered from Chabua: চাবুৱাত মাটিৰ তলত উদ্ধাৰ হ’ল গুলী

ৰাজ্যত এতিয়া ভোগালী বিহুক আদৰাৰ ব্যাপক প্ৰস্তুতি (Bhogali bihu celebration in Assam)। তাতে সমাগত গণতন্ত্ৰ দিৱস (Republic day 2023)। গণতন্ত্ৰ দিৱসৰ প্ৰাক মুহুৰ্তত চাবুৱা নগৰৰ মাজমজিয়াত মাটিৰ তলত উদ্ধাৰ হৈছে গুলী (Bullets recovered from Chabua town)। সুৰজ কুমাৰ শ্বাহ নামৰ ব্যক্তিজনৰ চৌহদত ঘৰ বনাবলৈ গাঁত খান্দি থকা অৱস্থাত তাত থকা শ্ৰমিকে উদ্ধাৰ কৰে এই গুলী । শ্ৰমিককেইজনে জানিবলৈ দিয়া অনুসৰি বুধবাৰে কাম কৰি থকা অৱস্থাত তেওঁলোকে উদ্ধাৰ কৰিছিল প্ৰায় ৩০ টাকৈ গুলী । উদ্ধাৰ হোৱা গুলীখিনি এখন লোহা কিনা দোকানত ৫০ টকা দৰত বিক্ৰী কৰি দিছিল বুলি শ্ৰমিককেইজনে জানিবলৈ দিয়ে । এই ঘটনা পোহৰলৈ অহাৰ পাছতে ইতিমধ্যে চাবুৱা আৰক্ষীয়ে ঘটনা সন্দৰ্ভত তদন্ত আৰম্ভ কৰিছে । লগতে গুলীকেইটা বহু পুৰণি বুলি জানিবলৈ পৰা গৈছে ৷ অৱশ্যে কোনে সেই স্থানত গুলী পুতি ৰাখিছিল সেয়া এতিয়াও পোহৰলৈ অহা নাই ।