Warm welcome to Lovlina Borgohain: গৃহভূমি পালেহি বক্সিং ৰিঙৰ ৰাণী লাভলীনা বৰগোঁহাই

গুৱাহাটী, 11 অক্টোবৰ : চীনৰ হাংঝৌ চহৰত বক্সিঙৰ ৰিঙত ৰূপৰ পদক জয়েৰে স্বদেশৰ বিজয় ধ্বজা উৰুৱাই বুধবাৰে ওপজা মাটিত ভৰি থলেহি অসমকন্যা লাভলীনা বৰগোঁহাইয়ে ৷ আজি গুৱাহাটী বৰঝাৰ বিমান বন্দৰত গুণমুগ্ধই উষ্ম আদৰণি জনালে বক্সাৰগৰাকীক ৷

এছিয়ান গেমছত ৰূপৰ পদক জয় আৰু পেৰিচত হ’বলগীয়া অলিম্পিকলৈ যোগ্যতা অৰ্জনৰ পিচতে আজি প্ৰথমবাৰলৈ অসমত উপস্থিত হ’ল বক্সিঙৰ ৰাণী বুলি খ্যাতি লভা লাভলীনা বৰগোঁহাইয়ে ৷

আজি দিল্লীৰ পৰা আহি বৰঝাৰ বিমান বন্দৰত উপস্থিত হোৱাৰ লগে লগে পৰিয়ালৰ লোকৰ লগতে শুভাকাংক্ষীয়ে বিপুলভাৱে আদৰণি জনায় লাভলীনাক । বিমান বন্দৰত লাভলীনাৰ লগত চেল্ফি তুলিবলৈ ভিৰ কৰে বহুতো অনুৰাগীয়ে ।

আনহাতে আগন্তুক পেৰিচ অলিম্পিকত সোণৰ পদকৰ লক্ষ্যৰে প্ৰস্তুতি চলাব বুলি সদৰী কৰে লাভলীনাই । লগতে তেঁওৰ এই আন্তঃৰাষ্ট্ৰীয় যাত্ৰাত সহযোগিতা আগবঢ়োৱাৰ বাবে ৰাজ্য চৰকাৰ আৰু অসম বক্সিং ফেডাৰেচনৰ প্ৰতি কৃতজ্ঞতা জ্ঞাপন কৰে লাভলীনাই ৷ বিভিন্নজনৰ সহযোগিতা অবিহনে এই সফলতা সম্ভৱপৰ নহ’লহেঁতেন বুলিও মন্তব্য কৰে অসম গৌৰৱ বক্সাৰ গৰাকীয়ে ৷ 

লগতে পঢ়়ক:AGP leaders to Join in Congress: ষড়যন্ত্ৰকাৰী বিধায়কৰ বিৰুদ্ধে সময়ত মুখ খুলিব সত্যব্ৰত কলিতাই