Phanindranath Sharma: হঠাৎ আৰক্ষী বেশত বিজেপিৰ সাংগঠনিক সম্পাদক ফণীন্দ্ৰ নাথ শৰ্মা

নলবাৰী, ২৮ মাৰ্চ : হঠাৎ আৰক্ষীৰ ৰূপত অৱতীৰ্ণ হ’ল বিজেপিৰ প্ৰভাৱশালী নেতা ফণীন্দ্ৰ নাথ শৰ্মা । এগৰাকী আৰক্ষী বিষয়া হিচাপে নলবাৰীত আত্মপ্ৰকাশ কৰিলে ফণী শৰ্মাই । অৱশ্যে প্ৰকৃত আৰক্ষী বিষয়া নহয়, আৰক্ষী বিষয়া ৰূপত নাটকত অভিনয় কৰিলে অসম বিজেপিৰ সাংগঠনিক সাধাৰণ সম্পাদক ফণীন্দ্ৰ নাথ শৰ্মাই (Phanindranath Sharma play as a police officer) ৷

উল্লেখ্য যে, নলবাৰীৰ বৰ আজাৰা দুৰ্গা মন্দিৰ প্ৰাংগণত আয়োজন কৰা হৈছে ৮৬ সংখ্যক শ্ৰী শ্ৰী বাসন্তী পূজা ৷ বাসন্তী পূজা উপলক্ষে অঞ্চলটোৰ স্থানীয় লোকৰ দ্বাৰা সোমবাৰে মঞ্চস্থ কৰা হ’ল এখন নাটক ৷ বৰ আজাৰা অগ্ৰগতি সংঘৰ উদ্যোগত বিশিষ্ট নাট্যকাৰ সমৰেন্দ্ৰ বৰ্মনৰ ৰচিত আৰু আনন্দ ভড়ালী পৰিচালিত নাট ‘‘মধুপুৰৰ মধুবালা’’ নাটকত এগৰাকী আৰক্ষী বিষয়া হিচাপে অভিনয় কৰিলে ফণীন্দ্ৰ নাথ শৰ্মাই ৷ আনকি ফণীন্দ্ৰ নাথ শৰ্মাৰ অভিনয়ত মন্ত্ৰমুগ্ধ হৈ পৰিল নলবাৰীবাসী ৰাইজ ৷

সংবাদ মাধ্যমৰ আগত ফণীন্দ্ৰ নাথ শৰ্মাই কয়, ‘‘ৰাজনীতিত বহু ধৰণৰ অভিনয় থাকে ৷ এইটো বাস্তৱ ধৰ্মী অভিনয় । নাটক কৰি ভাল লাগিল ৷ সুবিধা পালে ভৱিষ্যতেও নাটত অভিনয় কৰিম’’ ৷

লগতে পঢ়ক : Protest At Raha: কেইবাটাও দাবীৰে সদৌ অসম প্ৰগতিশীল নাৰী সন্থাৰ প্ৰতিবাদী সমদল