Biman Roy Case: প্ৰাক্তন আৰক্ষী বিষয়া বিমান ৰয়ক সাক্ষাৎ পত্নী আৰু ভগ্নীৰ

নলবাৰী, 8 জুলাই:ঘগ্ৰাপাৰ নাৰী নিৰ্যাতন কাণ্ডৰ মূল অভিযুক্ত বিমান ৰয়ক সাক্ষাৎ বিমান ৰয়ৰ পত্নী আৰু ভগ্নীৰ ৷ বিমান ৰয়ক সাক্ষাতৰ বাবে নলবাৰী সদৰ আৰক্ষী থানাত উপস্থিত হয় বিমানৰ পত্নী আৰু ভগ্নী ৷ আৰক্ষীৰ উপস্থিতিত কিছু সময়ৰ বাবে বিমান ৰয়ক সাক্ষাৎ কৰে পত্নী আৰু ভগ্নীয়ে ।  

আনহাতে বিমান ৰয়ক সাক্ষাৎ কৰি ওলাই আহি সাংবাদিকৰ আগত পত্নী আৰু ভগ্নীৰ এটাই মন্তব্য ‘‘আইনৰ ওপৰত বিশ্বাস আছে, আইনৰ ওপৰত ভৰষা আছে । আমি আইনৰ মতে থাকিম । আইনে যি কৰে সেয়াই হ’ব । আইনে আমাক ন্যায় দিব ৷’’ ইফালে বিমান ৰয়ৰ স্বাস্থ্য সম্পৰ্কে প্ৰশ্ন কৰাত বিমান ৰয়ৰ ভগ্নীয়ে কয় ‘‘বিমান ৰয়ৰ স্বাস্থ্যৰ অৱস্থা সিমান ভাল নহয় ৷’’ চাৰিদিনৰ বাবে আৰক্ষীৰ ন্যয়িক জিম্মাত থকা প্ৰাক্তন OC বিমান ৰয়ক ৰখা হৈছে নলবাৰী সদৰ আৰক্ষী থানাত ৷

লগতে পঢ়ক:Biman Roy arrest update: চাৰি দিনৰ বাবে আৰক্ষীৰ ন্যায়িক জিম্মাত প্ৰাক্তন OC বিমান ৰয়