Drama workshop in Hojai:হোজাইৰ শংকৰদেৱ নগৰত অংকীয়া নাট কৰ্মশালা

হোজাই, ২আগষ্ট: হোজাইৰ সামাজিক সাংস্কৃতিক অনুষ্ঠান শ্ৰীমন্ত শংকৰদেৱ কৃষ্টি বিকাশ কেন্দ্ৰৰ উদ্যোগত শংকৰদেৱ নগৰত অনুষ্ঠিত হৈছে অংকীয়া নাট কৰ্মশালা । যোৱা ১৩ জুলাইৰ পৰা আৰম্ভ হোৱা উক্ত কৰ্মশালা অহা ৪ আগষ্টত সামৰণি পৰিব। নগাঁৱৰ নাট্যকাৰ তথা পৰিচালক দীপক বৰা,সত্ৰীয়া সংস্কৃতিৰ সাধক সত্ৰীয়া বায়ন নৃত্য বিশাৰদ বিনোদ বৰা, হোজাইৰ বকুল বৰাকে ধৰি তিনিগৰাকী সুদক্ষ প্ৰশিক্ষকে উক্ত কৰ্মশালাত যুৱতীসকলক প্ৰশিক্ষণ দিছে ।

উক্ত কৰ্মশালাত হোজাই জিলাখনৰ বিভিন্ন প্ৰান্তৰ যুৱতীয়ে অংশগ্রহণ কৰিছে । কৃষ্টি বিকাশ কেন্দ্ৰৰ সভাপতি গজেন হাজৰিকাই এই প্ৰসংগত কয় যে কৰ্মশালাৰ সামৰণিৰ পিছত অহা ৫ আগষ্টত কাকীত উক্ত প্ৰশিক্ষাৰ্থী সকলক লৈ 'কেলী গোপাল' নাট প্ৰদৰ্শন কৰা হ'ব । 

লগতে পঢ়ক:Anomalies in Buridihing embankment construction:বুঢ়ীদিহিঙৰ মথাউৰিত ফাঁট মেলাত শতাধিক গাঁৱলৈ ভাবুকি