Zubeen Controversy: জুবিন গাৰ্গ সুস্থ চিন্তাধাৰাৰ ব্যক্তি নহয়, সেই কথাকে প্ৰমাণ কৰিছে; অজাপ

ডিব্ৰুগড়, 29 আগষ্ট: অসম জাতীয় পৰিষদক লৈ জুবিন গাৰ্গে কৰা মন্তব্যৰ পাছতে ব্যাপক প্ৰতিক্ৰিয়াৰ সৃষ্টি হৈছে ৷ সামাজিক মাধ্যমতো বিভিন্নজনে বিভিন্ন মন্তব্য প্ৰকাশ কৰিছে ৷ এই সন্দৰ্ভত প্ৰতিক্ৰিয়া প্ৰকাশ কৰিছে দলটোৰ কেন্দ্ৰীয় উপ-সভাপতি অনুপ ফুকনে ৷ উল্লেখ্য যে জুবিন গাৰ্গে অসম জাতীয় পৰিষদক ‘ফটুৱা’ দল আখ্যা দিছিল ৷

অনুপ ফুকনে কয় যে জুবিন গাৰ্গৰ এই মন্তব্যৰ পৰা তেওঁ যে প্ৰকৃততে সুস্থ চিন্তাধাৰাৰ ব্যক্তি নহয় সেই কথাকে প্ৰমাণ কৰিছে ৷ আনহাতে জুবিন গাৰ্গে শাসকীয় পক্ষৰ হৈ এনে মন্তব্য কৰা যেন অনুমান হয় বুলি তাৎপৰ্যপূৰ্ণ মন্তব্য কৰিছে অজাপৰ নেতাগৰাকীয়ে ৷  

তেওঁ আৰু কয় যে ৰাজনৈতিক কথা কোৱাৰ অধিকাৰ সকলোৰে আছে, কিন্তু কিছুমান কথা কওঁতে চালি-জাৰি চাই ক’ব লাগে ৷ ভৱিষ্যতে অধ্যয়ন কৰি কোনো বিষয়ৰ ওপৰত মতামত দিবলৈ অসম জাতীয় পৰিষদৰ কেন্দ্ৰীয় উপ-সভাপতি তথা প্ৰাক্তন বিধায়ক অনুপ ফুকনে জুবিন গাৰ্গক আহ্বান জনায় ৷

লগতে পঢ়ক: Zubeen Garg controversy; ৰাইজৰ হৈ কাম কৰিবলৈ আমাক কোনো ব্যক্তি বিশেষৰ চাৰ্টিফিকেট নালাগে : লুৰীণজ্যোতি গগৈ