গোলাঘাটত আৰক্ষীৰ বাহন দুৰ্ঘটনাগ্ৰস্ত, আহত তিনি

গোলাঘাট, ১৬ জানুৱাৰী: গোলাঘাটত মঙলবাৰে দুৰ্ঘটনাত পতিত হয় আৰক্ষীৰ এখন বাহন ৷ গোলাঘাটৰ ফৰকাটিং ১ নং তিৰোৱাল গাঁৱত সংঘটিত হৈছে এই পথ দুৰ্ঘটনাটো । এখন বাহন অনুসৰণ কৰি গৈ থকা অৱস্থাতে দুৰ্ঘটনাত পতিত হয় আৰক্ষীৰ এখন বলেৰ’ বাহন ৷ ফলত গোলাঘাট থানাৰ ভাৰপ্ৰাপ্ত আৰক্ষী বিষয়াসহ চাৰিগৰাকী আৰক্ষীৰ লোক আৰু এগৰাকী সাধাৰণ লোক আহত হয় ৷  তেওঁলোক হৈছে ভাৰপ্ৰাপ্ত আৰক্ষী বিষয়া জিতুমণি ডেকা, কনিষ্টবল তপন গগৈ, সীমান্ত ৰাজখোৱা ৷ আহতও চাৰিওগৰাকীকে গোলাঘাটৰ শ্বহীদ কুশল কোঁৱৰ অসামৰিক চিকিৎসালয়ত ভৰ্তি কৰোৱা হয় ।

নিয়মীয়া তালাচী অভিযানৰ সময়ত গোলাঘাট আৰক্ষীৰ চকুত ধূলি দি পলায়নৰ চেষ্টা চলোৱা এখন বাহন পিচে পিচে খেদি যায় আৰক্ষীৰ দলটোৱে ৷ সেইসময়তেই সংঘটিত হয় দুৰ্ঘটনাটো ৷ ইতিমধ্যে গাড়ীখন জামুগুৰি আৰক্ষী চকীয়ে জব্দ কৰে ৷  

লগতে পঢ়ক: দুলীয়াজানৰ ৰে'ল লাইনৰ কাষত দুটা অচিনাক্ত মৃতদেহ উদ্ধাৰ