ভয়ংকৰ পথ দুৰ্ঘটনা, 15 গৰাকী যাত্ৰী আহত

মৰাণ, 1 ডিচেম্বৰ : ডিব্ৰুগড় জিলাৰ চাবুৱাত ভয়ংকৰ পথ দুৰ্ঘটনাৰ সংঘটিত হৈছে । চাবুৱাৰ হাতীআলিত ৰৈ থকা ট্ৰাকত খুন্দিয়ালে গুৱাহাটীৰ পৰা তিনিচুকীয়া অভিমুখী গৈ থকা নৈশ বাছে। এই দুৰ্ঘটনাত বাছখনত থকা প্ৰায় 15 গৰাকী যাত্ৰী গুৰুতৰভাৱে আহত হয়। 

AR 11B 4458 নম্বৰ বাছখনে AS01ZC0876 নম্বৰ ট্ৰাকখনত খুন্দা মৰাত এই দুৰ্ঘটনা সংঘটিত হয়। ইয়াৰ পাচতে যাত্ৰীসকলৰ মাজত হাহাকাৰ পৰিস্থিতিৰ সৃষ্টি হয়। ইয়াৰ পিচতে স্থানীয় ৰাইজৰ প্ৰচেষ্টাত আহতসকলক চিকিৎসালয়লৈ নিয়া হয়। ঘটনা অনুসৰি 37 নং ৰাষ্ট্ৰীয় ঘাইপথৰ এটা ঠেক পথত ট্ৰাকখন ৰাখি থোৱা হৈছিল। চালকজনৰ টোপনি ধৰাত তেওঁ ট্ৰাকৰ ভিতৰত শুই আছিল। 

ইফালে পথটো ঠেক হোৱাত তীব্ৰবেগী বাছখনে  ট্ৰাকখনত খুন্দা মাৰেহি। আনহাতে নৈশ বাছখনে ট্ৰাকত খুন্দা মৰাৰ কথা গমাই পোৱা নাছিল ট্ৰাকখনৰ চালকজনে। ইতিমধ্যে ঘটনাক লৈ আৰক্ষীয়ে তদন্ত আৰম্ভ কৰিছে ।

লগতে পঢ়ক: হাতীগাঁৱৰ ফ্লেটত ৰহস্যজনকভাৱে উদ্ধাৰ মেঘালয়ৰ যুৱতীৰ মৃতদেহ