Leopard trapped at Baihata Chariali: বাইহাটা চাৰিআলিত ফান্দত বন্দি নাহৰফুটুকী

বাইহাটা চাৰিআলিত ফান্দত বন্দি নাহৰফুটুকী বাঘ (Leopard trapped at Baihata Chariali)। মদনকামদেৱ পাহাৰত অজ্ঞাত লোকে পতা ফান্দত পৰিল নাহৰফুটুকী । নাহৰফুটুকীক চাবৰ বাবে স্থানীয় লোকৰ ভিৰ । বহু পলমকৈ উপস্থিত হোৱা বন বিভাগৰ লোকে বহু সময় চেষ্টা কৰাৰ অন্তত নাহৰফুটুকীটোক টেংকুলাইজ কৰি গুৱাহাটী ৰাজ্যিক চিৰিয়াখানলৈ লৈ যায় । বন বিভাগে জানিবলৈ দিয়া অনুসৰি বাঘটোৰ বয়য় প্ৰায় চাৰি/পাচ বছৰ । উল্লেখ্য যে, দীৰ্ঘ দিনৰ পৰা মদন কামদেৱ পাহাৰত চৰিবলৈ এৰি দিয়া গৰু, ছাগলী, ম'হ আদি ভক্ষণ কৰি ত্ৰাসৰ সৃষ্টি কৰি আহিছিল নাহৰফুটুকী বাঘটোৱে ৷ স্থানীয় লোকৰ ভাষ্য অনুসৰি কোনো অজ্ঞাত লোকে শহা পহু, শিয়াল আদি ধৰিবৰ কাৰণে পতা ফান্দত বন্দী হয় নাহৰফুটুকীটো ৷