Anti Drugs Mission: ৰঙিয়াত ড্ৰাগছসহ সৰবৰাহকাৰী আটক

ৰঙিয়া মহকুমা আৰক্ষী বিষয়াৰ নেতৃত্বত কঞাঁ আৰক্ষীৰ এটা দলে বৃহৎ পৰিমাণৰ হেৰ'ইন আৰু ড্ৰাগছসহ এজন লোকক আটক কৰে (Drugs peddler arrested at Rangia)। আৰক্ষীয়ে আটক কৰা লোকজনৰ নাম ছাদ্দাম হুছেইন । এক গোপন সূত্ৰৰ পম খেদি অভিযানকাৰী দলটোৱে অতৰ্কিতে ছাদ্দাম হুছেইনৰ বৰদোঙা বটাকুছিত থকা বাসগৃহত অভিযান চলায় । অভিযানৰ সময়ছোৱাত আৰক্ষীয়ে হেৰ'ইন ভৰ্তি চাবোনৰ বাকছ দুটা, বহু পৰিমাণৰ ড্ৰাগছ ভৰ্তি কণ্টেইনাৰৰ লগতে কেইবাটাও চিৰিঞ্জ উদ্ধাৰ কৰে । পিছত আৰক্ষীয়ে ছাদ্দামক গ্ৰেপ্তাৰ কৰে । অভিযোগ অনুসৰি দীৰ্ঘ দিনৰ পৰা ড্ৰাগছৰ ব্যৱসায়ৰ লগত জড়িত আছিল ধৃত ছাদ্দাম । বৰ্তমান কঞাঁ আৰক্ষীয়ে ছাদ্দামক জেৰা অব্যাহত ৰাখিছে ।