ব্ৰহ্মপুত্ৰ নদীৰ পানীৰ তলৰে নিৰ্মাণ হবলগীয়া সুৰংগৰ কামৰ বুজ ল’লে বৰ্ডাৰ ৰোডছৰ সঞ্চালকে

ভাৰতীয় সেনাৰ বৰ্ডাৰ ৰোডছ অৰ্গনাইজেছনৰ মুখ্য সঞ্চালক লেফ্টনেন্ট জেনেৰেল ৰাজীৱ চৌধুৰীয়ে দুদিনীয়া ভ্ৰমণ সূচীৰে আজি তেজপুৰৰ প্ৰজেক্ট ভৰ্টক কাৰ্যালয়ত উপস্থিত হয় । বৰ্ডাৰ ৰোডছৰ সঞ্চালক গৰাকীয়ে আজি তেজপুৰত উপস্থিত হৈ অসমত ব্ৰহ্মপুত্ৰ নদীৰ মাজেদি নিৰ্মাণ কৰিবলগীয়া ৰেল ৰাষ্ট্ৰীয় ঘাইপথৰ তথা পানীৰ তলৰ সুৰংগৰ নিৰ্মাণৰ স্থান পৰিদৰ্শন কৰে ( Rail cum Highway Underwater Tunnel ) । উল্লেখ্য যে, এই সুৰংগৰ জৰিয়তে শোণিতপুৰ জিলাৰ জামুগুৰিহাটৰ পাছিগাওঁ ব্ৰহ্মপুত্ৰৰ উত্তৰ পাৰে সংযোগ হবলগীয়া আৰু নগাঁও জিলাৰ কলিয়াবৰ শিলঘাটৰ কলিয়াবৰ চাহবাগিছাৰ সৈতে সংযুক্ত হ’ব । ইপিনে, বৰ্ডাৰ ৰোডছৰ সঞ্চালক গৰাকীয়ে আজি শোণিতপুৰ জিলাত নিৰ্মান হবলগীয়া সুৰংগৰ লগতে অৰুণাচল প্ৰদেশৰ পশ্চিম কামেং জিলাত নিৰ্মাণ হৈ থকা চেলা পাছ আৰু নেচিপু সুৰংগৰ অগ্ৰগতিৰ বিষয়েও আলোচনা কৰে । ইতিমধ্যে চেলা আৰু নেচিপু সুৰংগৰ কাম প্ৰায় সমাপ্ত হোৱাৰ দিশে আৰু ই অহা এপ্ৰিল মাহৰ ভিতৰত সম্পূৰ্ণ হৈ উঠিব আৰু আগুণটোক ছেপ্টেম্বৰ অথবা অক্টোবৰ মাহত উক্ত সুৰংগ ৰাইজৰ বাবে মুকলি কৰিব । এই সমূহ কামৰ উন্নত মানদণ্ডৰ অগ্ৰগতিৰ বাবে 'Non Destructive Testing Van'ৰ জৰিয়তে কামৰ গুণাগুণৰ পৰীক্ষা কৰা হৈছে ।