হিমন্ত বিশ্ব শৰ্মাক অসমৰ ৰাজনীতিৰ Villain সজালে কোনে ?

‘‘হিমন্ত বিশ্ব শৰ্মা নেতৃত্বাধীন চৰকাৰৰ বিষয়বস্তু হ'ব লাগিছিল ক'ভিড, কিন্তু হৈছেগৈ শ্যামাপ্ৰসাদ মুখাৰ্জী ৷ অসম বুৰঞ্জীক গেৰুৱাকৰণ কৰাত উঠি পৰি লাগিছে বিজেপি চৰকাৰ ৷ ক'ভিড ব্যৱস্থাপনা,ক্ষতিগ্ৰস্তক ক্ষতিপূৰণ দিয়া,মূল্যবৃদ্ধি নিয়ন্ত্ৰণ কৰাত ব্যৰ্থ হৈছে বিজেপি চৰকাৰ ৷ সেয়েহে বেলেগ এই ধৰণৰ বিষয়েৰে জনতাক বিভ্ৰান্ত কৰাৰ চেষ্টা কৰিছে মুখ্যমন্ত্ৰী গৰাকীয়ে ৷ অসমৰ জনতাই ভেকচিনৰ বাবে হাহাকাৰ কৰিছে ৷ মিনি লকডাউনত লাখ লাখ লোকৰ জীৱন দুৰ্বিসহ হৈ পৰিছে ৷ কিন্তু বিজেপি চৰকাৰ খন শ্যামাপ্ৰসাদ মুখাৰ্জীক লৈ ব্যস্ত ৷’’ দেওবাৰে এখন সংবাদমেল সম্বোধন কৰি এইদৰে ৰাজ্যৰ বিজেপি নেতৃত্বাধীন চৰকাৰ তথা মুখ্যমন্ত্ৰী হিমন্ত বিশ্ব শৰ্মাক তীব্ৰ সমালোচনা কৰে ৰাইজৰ দলৰ বিষয়ববীয়াই ৷ ৰাইজৰ দলৰ প্ৰতিনিধি সকলে উল্লেখ কৰে যে, শ্যামাপ্ৰসাদ মুখাৰ্জী হিন্দু মহা সভাৰ প্ৰতিনিধি আছিল ৷ শ্যামাপ্ৰসাদ মুখাৰ্জীয়ে স্বাধীনতা আন্দোলনৰ সময়ত দেশক বিশ্বাসঘটকতা কৰিছিল ৷ কিন্তু সেই শ্যামাপ্ৰসাদ মুখাৰ্জীক বীৰৰ দৰে সজাবলৈ হিমন্তবিশ্বই উঠি পৰি লাগিছে ৷ লগতে ব্ৰিটিছৰ পক্ষ লোৱা শ্যামাপ্ৰসাদ মুখাৰ্জীক অসমৰ HERO হ'বলৈ নিদিও বুলি স্পষ্ট কৰি দিছে ৰাইজৰ দলৰ প্ৰতিনিধি সকলে ৷ আনহাতে সংবাদমোলত জয়ন্ত মল্ল বৰুৱাকো তুলাধুনা দিয়ে ৰাইজৰ দলৰ প্ৰতিনিধি সকলে ৷ তেওঁ নিজেই পুৰীয়া মাৰিব নাজানে ৷ তেওঁক আনে Underline কৰি দিয়া কথাখিনিহে কৈ ফুৰে বুলি মন্তব্য কৰিছে কমল কুমাৰ মেধীয়ে ৷ লগতে কমল কুমাৰ মেধীয়ে কয় যে,জয়ন্ত মল্ল বৰুৱাৰ কথা মনলৈ আহিল কেৱল ছিণ্ডিকেটৰ কথাহে মনলৈ আহে ৷ মুখ্যমন্ত্ৰী হিমন্ত বিশ্ব শৰ্মা নিজৰ খালি ফিল্ডত নিজেই খেলুৱৈ নিজেই ৰেফাৰী ৷ অসমৰ ৰাজনীতিৰ ভিলেইন ড৹ হিমন্ত বিশ্ব শৰ্মা ৷ হিমন্ত বিশ্ব মুখ্যমন্ত্ৰী হোৱাৰ পিছৰে পৰা অসমৰ বেয়া দিন চলি আছে ৷ সংবাদ মেলত উপস্থিত থাকে ভাস্ক'ডি শইকীয়া, কমল কুমাৰ মেধি সহ বহুকেইগৰাকী নেতা ৷