মাণিকপুৰৰ ভাণ্ডাৰা বজাৰৰ মাটি অবৈধভাৱে দখলৰ চেষ্টাৰ অভিযোগ

বঙাইগাঁও জিলাৰ মাণিকপুৰ ৰাজহ চক্ৰৰ অন্তগৰ্ত ভাণ্ডাৰা বজাৰৰ মাটি অবৈধ ভাৱে দখল কৰাৰ চেষ্টা অব্যাহত ৰখাত স্থানীয় ৰাইজৰ মাজত তীব্ৰ প্ৰতিক্ৰিয়াৰ সৃষ্টি হৈছে (Accused of trying to illegally grab) । জানিব পৰা মতে, ভাণ্ডাৰা বজাৰৰ নামত থকা ভুমি একাংশ বেদখলকাৰীয়ে বজাৰ কমিটিৰ সভাপতি আৰু সম্পাদকৰ সহযোগত দখল কৰাৰ চেষ্টা অব্যাহত ৰাখিছে । ইতিমধ্যে বজাৰৰ মাটি বেদখল কৰাৰ ফলত স্থানীয় ৰাইজে বিভাগীয় কৰ্তৃপক্ষক শীঘ্ৰেই বজাৰৰ মাটি বেদখল কৰা লোকৰ বিৰুদ্ধে ব্যৱস্থা গ্ৰহণ কৰি মাটি সমুহ মুকলি কৰিবলৈ উৰ্দ্ধতম কৰ্তৃপক্ষক লিখিত অভিযোগ দাখিল কৰিছে ৷ পিছে এই পৰ্যন্ত কৰ্তৃপক্ষই কোনোধৰণৰ ব্যৱস্থা গ্ৰহণ কৰা নাই বুলি স্থানীয় ৰাইজে অভিযোগ উত্থাপন কৰিছে ৷