Assam CMs controversial remarks about Rahul: মুখ্যমন্ত্ৰীৰ ফটোত চিঞাহী সানি কংগ্ৰেছৰ প্ৰতিবাদ

শিৱসাগৰ নগৰত যুৱ কংগ্ৰেছৰ প্ৰতিবাদ (Youth congress protest in Sivasagar)। শিৱসাগৰত জিলা যুৱ কংগ্ৰেছ কমিটিৰ প্ৰতিবাদস্থলীত মুখ্যমন্ত্ৰী হিমন্ত বিশ্ব শৰ্মাৰ বিৰুদ্ধে সৰৱ হৈ পৰে যুৱ কংগ্ৰেছৰ সভাপতি অংকিতা দত্ত । প্ৰথমে শিৱসাগৰ নগৰৰ পৰিবহণ তিনিআলিৰ এক ৰাজহুৱা হৰ্ডিঙত থকা হিমন্ত বিশ্ব শৰ্মাৰ প্ৰতিচ্ছবিত সভাপতি অংকিতাই ক’লা চিয়াঁহী সানি হিমন্ত বিশ্ব শৰ্মা মুৰ্দাবাদ ধ্বনি দিয়ে । তাৰ পাছতে নগৰৰ দ'লমুখ চাৰিআলিত তীব্ৰ প্ৰতিবাদ সাৱস্ত্য কৰি এক উত্তাল পৰিৱেশৰ সৃষ্টি কৰে । উক্ত স্থানতে যুৱ কংগ্ৰেছে মুখ্যমন্ত্ৰী হিমন্ত বিশ্ব শৰ্মাৰ প্ৰতিমূৰ্তিও দাহ কৰে । অংকিতা দত্তই মাতৃ তথা মাতৃৰ গৰ্ভক অপমান কৰা হিমন্ত বিশ্ব শৰ্মাক ৰাজহুৱাভাৱে ক্ষমা খোজাৰ দাবী উত্থাপন কৰে । প্ৰতিবাদত অংকিতা দত্তই ৰণচণ্ডী মূৰ্তি ধাৰণ কৰি প্ৰতিবাদ বন্ধ কৰিবলৈ অহা আৰক্ষীক বাধা প্ৰদান কৰা দেখা যায়‌ ।