Sankardev Sangha controversy: সাংবাদিকক অপদস্ত শ্ৰীমন্ত শংকৰদেৱ সংঘৰ !

পুনৰ বিতৰ্কত শ্ৰীমন্ত শংকৰদেৱ সংঘ (Sankardev Sangha contreversy at Sapekhati) ৷ শনিবাৰে সাপেখাতীত অনুষ্ঠিত হোৱা সংঘৰ কেন্দ্ৰীয় শিশু, যুৱ আৰু আই মাতৃ সমাৰোহত এইবাৰ সাংবাদিকক অপদস্ত কৰাৰ ঘটনা সংঘটিত হৈছে ৷ সংবাদকৰ্মীক অৱজ্ঞাসূচক আচৰণ কৰাৰ চৰম অভিযোগ উত্থাপিত হৈছে শ্ৰীমন্ত শংকৰদেৱ সংঘৰ সদস্যৰ বিৰুদ্ধে ৷ ৰাজপথতেই জোতা- চেণ্ডেল খুলিহে বাতৰি সংগ্ৰহ কৰিবলৈ নিৰ্দেশ একাংশ সদস্যৰ(Sankardev Sangha contreversy at Sapekhati)৷ আনহাতে সমাৰোহস্থলীত সংবাদকৰ্মীৰ বাবে কোনো ধৰণৰ আছুতীয়া কক্ষ নাই বুলি অভিযোগ উত্থাপন হৈছে ৷ আনকি এটুপি খোৱাপানী যোগান ধৰাৰো আহৰি নাই উদযাপন সমিতিৰ। যাৰ ফলত এতিয়া তীব্ৰ প্ৰতিক্ৰিয়া সৃষ্টি হৈছে সংবাদ কৰ্মীসকলৰ মাজত ৷ উল্লেখ্য যে বিগত কেইটামান দিনৰ পুৰ্বে শংকৰদেৱ সংঘৰ কিছু কৰ্মকাণ্ডৰ বাবে বিতৰ্ক সৃষ্টি হোৱাৰ পাছত এনেদৰে সংবাদকৰ্মীসকলক অৱজ্ঞা কৰা হৈছে নেকি বুলি প্ৰশ্ন উত্থাপন হৈছে ৷