মাহুৰ নৈৰ বাঢ়নী পানীয়ে উটুৱাই লৈ গ’ল এজনক

প্ৰৱল বৃষ্টিপাতৰ ফলত হোৱা ভয়ংকৰ ভূমিস্খলন আৰু বানৰ কৱলত পৰি এক প্ৰকাৰ বিধ্বস্ত হৈ পৰিছে ডিমা হাছাও জিলা (Landslide in Dima hasao) ৷ ইয়াৰ মাজতে জিলাখনত বুধবাৰে দুপৰীয়া মাহুৰ নৈ কোঁবাল সোঁতত উটি যায় এজন লোক ৷ সন্ধানহীন লোকজন ৰোজেন থাওছেন(54) বুলি জানিব পৰা হৈছে ৷ বৰ্তমানলৈ কোনো সন্ধান ওলোৱা নাই লোকজনৰ । জানিব পৰা মতে ৰোজেন থাওছেন মাহুৰ আৰক্ষী থানাৰ অন্তৰ্গত থাপা গাঁৱৰ বাসিন্দা । তেওঁ বুধবাৰে দুপৰীয়া মাহুৰ নৈ পাৰ হৈ যোৱাৰ সময়তে নৈৰ বাঢ়নী পানীয়ে উটুৱাই লৈ যায় ।