Massive fire in Guwahati: মহানগৰীৰ চচলস্থিত অট্টালিকাত অগ্নিকাণ্ড

মহানগৰীৰ ছয়মাইলৰ চচলত ভয়ংকৰ অগ্নিকাণ্ড (Massive fire in Guwahati) ৷ বৃহস্পতিবাৰে পুৱা এঘাৰ মান বজাত সংঘটিত হয় এই অগ্নিকাণ্ড ৷ মহানগৰীৰ ভি আই পি ৰোডত অৱস্থিত জয়ন্ত এনক্লেভ নামৰ এটা আৱাসিক অট্টালিকাত এই অগ্নিকাণ্ড সংঘটিত হয় (Fire breakout in Guwahati) ৷ অট্টালিকাটোৰ চতুৰ্থ মহলাৰ চতুৰ্থ মহলাৰ হিতেন্দ্ৰ কুমাৰ ফুকন নামৰ লোকজনৰ ফ্লেটত ঘটে এই অগ্নিকাণ্ড ৷ জুইৰ লেনিহান শিখাই কিছুসময়ৰ ভিতৰতে অট্টালিকাটোৰ চতুৰ্থ মহলাটো আৱৰি ধৰে । অৱশ্যে জুই লগা সময়ত ঘৰত কোনো ব্যক্তি নাছিল যদিও ফ্লেটটোৰ ভিতৰত আৱদ্ধ হৈ আছিল এটা কুকুৰ ৷ পৰৱৰ্তীসময়ত ঘটনাস্থলীত অগ্নিনিৰ্বাপক বাহিনী উপস্থিত হৈ জীৱন্ত অৱস্থাত কুকুৰটোক উদ্ধাৰ কৰ৷ প্ৰায় দুঘণ্টা ধৰি জ্বলা এই জুই অৱশেষত অগ্নিনিৰ্বাপক বাহিনীৰ লোকে নিয়ন্ত্ৰণ কৰে ৷ বৰ্তমানেও জানিব পৰা নাই অগ্নিকাণ্ডটো সংঘটিত হোৱাৰ প্ৰকৃত কাৰণ ৷ যদিও এ চিৰ শ্বৰ্ট চাৰ্কিটৰ ফলত অগ্নিকাণ্ডৰ সূত্ৰপাত হোৱাৰ সন্দেহ প্ৰকাশ কৰিছে আৰক্ষীয়ে ।