Fire in Duliaajan: নিশা দুলীয়াজানত ভয়ংকৰ অগ্নিকাণ্ড

নিশা দুলীয়াজানত সংঘটিত হয় এক ভয়ংকৰ অগ্নিকাণ্ডৰ ঘটনা(Devastating fire at Duliajan) । দুলীয়াজানৰ ভাদৈ পাঁচআলিৰ ২ নং কেৰকনি গাঁৱত হঠাৎ জ্বলি উঠে এটা বাসগৃহ । চকুৰ পচাৰতে সম্পূৰ্ণ ৰূপে জুইত জাহ যায় বাসগৃহটো । বাসগৃহটোৰ গৰাকী পৰমা গগৈ বুলি জানিব পৰা গৈছে । ঘৰত কোনো লোক উপস্থিত নথকাৰ সময়তেই সংঘটিত হয় এই অগ্নিকাণ্ড । অগ্নিকাণ্ডৰ ফলত কোনো লোক হতাহতি হোৱা নাই যদিও এই পৰ্যন্ত আৰক্ষীয়ে নিশ্চিত কৰিব পৰা নাই অগ্নিকাণ্ডৰ কাৰণ । অগ্নিকাণ্ডৰ ফলত বাসগৃহটোৰ বহু মূল্যৱান সা-সামগ্ৰীৰ লগতে বাসগৃহৰ সৈতে সংলগ্ন ভঁৰালটো সম্পূৰ্ণৰূপে জুইত জাহ যায় ।