আনন্দত আত্মহাৰা আঙুৰলতা

ঢোলৰ তালে তালে আঙুৰলতাৰ নৃত্য (Angoorlata deka dance)। নৃত্যত মতলীয়া এসময়ৰ মোহময়ী অভিনেত্ৰী আঙুৰলতা ডেকা । পিছে এইবাৰ অভিনেত্ৰী হিচাপে নহয়, নেত্ৰী হিচাপে নৃত্যত মতলীয়া প্ৰাক্তন বিধায়িকা তথা বিজেপি নেত্ৰী আঙুৰলতা ডেকা । নৃত্যৰ কাৰণ পৌৰসভা নিৰ্বাচন(Municipal election 2022)ত বিজেপিৰ সাফল্য । দহটাকৈ ৱাৰ্ডেৰে গঠিত ধিং নগৰ সমিতিৰ নিৰ্বাচনত দহটা ৱাৰ্ডেই দখল কৰিবলৈ সক্ষম হয় বিজেপিয়ে। নিৰ্বাচনৰ সময়ত ধিং নগৰ সমিতিত দলীয় প্ৰাৰ্থীৰ হৈ নিৰ্বাচনী প্ৰচাৰ চলাইছিল আঙুৰলতা ডেকাই । ধিং নগৰ সমিতিৰ নিৰ্বাচনত বিজেপিৰ বিৰুদ্ধে মিত্ৰদল অগপই প্ৰাৰ্থীত্ব প্ৰদান কৰিছিল । কিন্তু অগপ আৰু কংগ্ৰেছক শোচনীয়ভাৱে পৰাজিত কৰি আটাইকেইটা ৱাৰ্ডেই বিজেপিয়ে দখল কৰিবলৈ সক্ষম হৈছে । সেয়ে নিৰ্বাচনী ফলাফল ঘোষণাৰ পিছতেই দলীয় কৰ্মী-সমৰ্থকক লগত লৈ বিজয় উল্লাস কৰে আঙুৰলতা ডেকাই ।