পৌৰ নিগমৰ নিৰ্বাচনৰ বাবে আপৰ প্ৰথমখন প্ৰাৰ্থী ত‍ালিকা প্ৰকাশ

অসমত শেহতীয়াকৈ অনুষ্ঠিত হৈ যোৱা পৌৰসভাৰ নিৰ্বাচনত (Assam Municipal Election) দুটাকৈ ৱাৰ্ডত জয়ী হ'বলৈ সক্ষম হোৱা আম আদমী পাৰ্টী চমুকৈ আপে গুৱাহাটী পৌৰ নিগমৰ নিৰ্বাচনক(GMC election 2022)লৈ বিশেষভাৱে তৎপৰ হৈ পৰিছে । গুৱাহাটী পৌৰ নিগমৰ নিৰ্বাচনৰ বাবে দলটোৱে দেওবাৰে 10 টা ৱাৰ্ডৰ প্ৰথমখন প্ৰাৰ্থীৰ ত‍লিকা প্ৰ‍কাশ কৰে (AAP announced first candidate list for GMC election)। অসমত দলৰ সাংগঠনিক ভেটি সুদৃঢ় কৰাৰ লক্ষ্যৰে গুৱাহাটীত উপস্থিত হোৱা আপৰ ৰাষ্ট্ৰীয় তত্বাবধায়ক ৰাজেশ শৰ্মাই গুৱাহাটী পৌৰ নিগমৰ নিৰ্বাচনৰ বাবে আম আদমী পাৰ্টীয়ে প্ৰকাশ কৰা প্ৰথমখন প্ৰাৰ্থী তালিকা ঘোষণা কৰে ।