তেজপুৰ, ৩১ মে’: লখিমপুৰ জিলাৰ অসম-অৰুণাচলৰ সীমান্তৱৰ্তী প্ৰধান আন্তঃৰাজ্যিক তালাচী চকী বান্দৰদেৱাত ড্ৰাগছসহ দুই অৰুণাচলৰ ৰিজাৰ্ভ বেটেলিয়ানৰ জোৱানক আটক কৰে অসমৰ বান্দৰদেৱা আৰক্ষীয়ে ৷
বান্দৰদেৱা আৰক্ষী চকীৰ ভাৰপ্ৰাপ্ত বিষয়া ৰাজু দুৱাৰাই সোমবাৰে সন্ধিয়া বান্দৰদেৱাস্থিত এচ বি আই বেংকৰ সমীপত তালাচী চলাই বৃহৎ পৰিমাণৰ ড্ৰাগছ সহ দুজনকৈ আইআৰবিএন জোৱানক আটক কৰে । ধৃত জোৱান দুজন ইটানগৰত কৰ্মৰত জি নাদুং (৩২) আৰু জে সুৰজ(৩৩) হিচাপে আৰক্ষীয়ে চিনাক্ত কৰিছে ৷ এ আৰ ০১ কে ০৫৬১ নম্বৰৰ বাহনেৰ লকডাউনৰ মাজতে আইআৰবিএনৰ দুই জোৱানে আৰক্ষীৰ পোছাকত ড্ৰাগছ কিনিবলৈ আহি অসম আৰক্ষীৰ জালত পৰে ।
আৰক্ষীয়ে আটকাধীন জোৱান দুজনৰ পৰা দুই পেকেট হেৰ’ইন সহ ৯ টা কন্টেনাৰ আৰু নগদ ৬১০০টকা জব্দ কৰে ৷ বৰ্তমান আৰক্ষীয়ে এই সন্দৰ্ভত জোৱান দুজনক সোধপোছ অব্যাহত ৰাখি ঘটনাৰ তদন্ত অব্যাহত ৰাখিছে ৷
