কৰিমগঞ্জ,27 এপ্ৰিল : কৰ’ণাতংকৰ মাজতে কৰিমগঞ্জত সংঘটিত হয় এক লুটপাটৰ ঘটনা । চহৰৰ বনমালী ৰোডৰ জ্যোতিকা বর্ধন নামৰ এগৰাকী মহিলাৰ ডিঙিৰ পৰা সোণৰ চেইন কাঢ়ি পলায়ন কৰে দুৰ্বৃত্তই ।
এই ঘটনা সংঘটিত হয় কৰিমগঞ্জ চহৰৰ মাজমজিয়াত থকা আৰক্ষী অধীক্ষকৰ বাসভৱনৰ সন্মুখত ৷ মঙলবাৰে পুৱা প্ৰাতঃভ্ৰমণ কৰাৰ সময়তে এখন বাইকত অহা দুই চিলনী চোৰে মহিলাগৰাকীৰ ডিঙিৰ পৰা সোণৰ চেইনডাল কাঢ়ি লৈ পলায়ন কৰে ৷ ঘটনা সন্দৰ্ভত ইতিমধ্যে কৰিমগঞ্জ আৰক্ষী থানাত এজাহাৰ দাখিল কৰিছে মহিলাগৰাকীয়ে । কৰিমগঞ্জ আৰক্ষীয়ে চিচিটিভিৰ পৰা দৃশ্য সংগ্ৰহ কৰি তদন্ত আৰম্ভ কৰা বুলি জানিব পৰা গৈছে ৷
লগতে পঢ়ক : বিহপুৰীয়াত চাঞ্চল্যকৰ গুলীচালনাৰ ঘটনা
