ডিমা হাছাও, 1 ডিচেম্বৰ: ভাৰতৰ নিৰ্বাচন আয়োগৰ নিৰ্দেশত আজিৰে পৰা সমগ্ৰ ডিমা হাছাও জিলাত আৰম্ভ হৈছে নতুন ভোটাৰ অন্তৰ্ভুক্ত কৰাৰ কাম(Election Commission of India) ৷ 18 বছৰ বয়সৰ নতুন ভোটাৰসকলৰ নাম অন্তৰ্ভুক্ত কৰাৰ বাবে জিলাখনত অভিযান আৰম্ভ হৈছে । ডিমা হাছাও জিলাৰ জিলা উপায়ুক্ত নাজৰিন আহমেদ আজি নিজ কাৰ্যালত এখন সংবাদমেল সম্বোধন কৰি এই কথা সদৰী কৰে(Dima Hasao DC Nazreen Ahmed) ৷
জিলা উপায়ুক্তগৰাকীয়ে কয় যে, বৃহস্পতিবাৰৰ পৰা ডিমা হাছাও জিলাৰ সকলো বিদ্যালয়ত 18 বছৰৰ ভোটাৰসকলৰ নাম অন্তৰ্ভূক্ত কৰাৰ বিশেষ অভিযান আৰম্ভ হৈছে(Special camp to induct new voters) । অহা 3 ডিচেম্বৰ আৰু 4 ডিচেম্বৰত ডিমা হাছাও জিলাৰ বিভিন্ন ভোটগ্ৰহণ কেন্দ্ৰত 18 বছৰৰ যুৱক-যুৱতীসকলৰ নাম অন্তৰ্ভুক্ত কৰাৰ লগতে 17 বছৰৰ যুৱক-যুৱতীৰ নাম ৰেজিষ্ট্ৰেছন কৰা হ’ব(Special Camps for Registration of New Voters) ।
জিলা উপায়ুক্তই লগতে সংবাদমেলত কয় যে, 18 বছৰৰ নতুন ভোটাৰসকল আৰু 17 বছৰৰ যুৱক-যুৱতীসকল ভোটগ্ৰহণ কেন্দ্ৰলৈ গৈ নাম অন্তৰ্ভুক্ত কৰাৰ লগতে ৰেজিষ্ট্ৰেছন কৰিব পাৰিব ৷ ইয়াৰ উপৰি নিৰ্বাচন আয়োগৰ পৰ্টেল বা জিলা নিৰ্বাচন কাৰ্যালয়তো তেওঁলোকে নাম অন্তৰ্ভুক্ত কৰিব পাৰিব ।
জিলা উপায়ুক্তগৰাকী আৰু কয় যে, 17 বছৰৰ যিসকল যুৱক-যুৱতীয়ে তেওঁলোকৰ নাম ৰেজিষ্ট্ৰেচন কৰিব, তেওঁলোকৰ 18 বছৰ হোৱাৰ পিচতে ভোটাৰ তালিকাত নাম অন্তৰ্ভুক্ত হ’ব ৷ ইয়াৰ লগতে তেওঁলোকক ভোটাৰ পৰিচয় পত্ৰ প্ৰদান কৰা হ’ব বুলি সংবাদমেলত জানিবলৈ দিয়ে জিলা উপায়ুক্ত নাজৰিন আহমেদে ।
লগতে পঢ়ক : Birendra Prasad Baishya slams Ripun Bora: ৰিপুন বৰাক কটাক্ষ অগপ সাংসদ বীৰেন্দ্ৰ প্ৰসাদ বৈশ্যৰ
