তিনি বজাৰ শীৰ্ষ দহ বাতৰি...

তিনি বজাৰ শীৰ্ষ দহ বাতৰি...

বাংগালুৰু বিমানবন্দৰত 1 কোটিতকৈও অধিক মূল্যৰ ড্ৰাগছ জব্দ ৷ সীমা শুল্ক বিভাগে উদ্ধাৰ কৰে 1980 গ্ৰামকৈ এম ডি এম এ / ই চি টাচি টেবলেট ৷ ড্ৰাগছখিনি বেলজিয়ামৰ পৰা প্ৰেৰণ কৰা হৈছিল ৷ সমগ্ৰ ঘটনাক লৈ আৰম্ভ হৈছে তদন্ত ৷

যোৰহাটৰ ক্ৰীড়া সন্থাৰ খেলপথাৰত অস্থায়ীভাৱে নিৰ্মাণ কৰা COVID কেয়াৰ কেন্দ্ৰত হঠাতে উপস্থিত হয় ৰাজ্যিক স্বাস্থ্য মন্ত্ৰী পীযুষ হাজৰিকা ৷

এগৰাকী 12 বছৰীয়া কিশোৰক শুই থকা অৱস্থাত দেহত গৰম পানী ঢালি অকথ্য নিৰ্যাতন চলোৱাৰ অভিযোগত অভিযুক্ত মিতালী কোঁৱৰক নিলম্বন ৷

বৰ্তমান সময়ত ক'ভিড -19 ৰ সংক্ৰমণৰ বাবেই সমূহ শিক্ষাৰ্থীসকলে শ্ৰেণীকোঠাৰ পাঠদানৰ পৰা বঞ্চিত হৈ থাকিবলগীয়া হৈছে ৷ তেনে সময়তে অহা 22 চেপ্টেম্বৰৰ পৰা গুৱাহাটী বিশ্ববিদ্যালয়ৰ স্নাতক পৰ্যায়ৰ পৰীক্ষাসমূহ অনুষ্ঠিত হ'ব বুলি বিশ্ববিদ্যালয় কৰ্তৃপক্ষই প্ৰকাশ কৰাৰ পাছতেই এতিয়া শিক্ষাৰ্থীসকলৰ মাজত হাহাকাৰ পৰিস্থিতিৰ সৃষ্টি হৈছে ৷

ৰকিবুল হুছেইনৰ সমষ্টিত বিজেপি নেতাৰ দম্ভালি ৷ চৰকাৰী আঁচনিত কংগ্ৰেছীৰ নাম বেছি থাকিলে প্ৰ-পত্ৰ ফালি পেলোৱাৰ ভাবুকি ৷ চৰকাৰী কৰ্মচাৰীৰ প্ৰতিও কটু মন্তব্য নেতাগৰাকীৰ ৷

খাৰবাল্লীত বানৰ পাচত এতিয়া কালৰূপ ধাৰণ কৰিছে বেকী নৈৰ খহনীয়াই ৷ মাত্ৰ 10 দিনৰ ভিতৰতে উচন হ'ল 15 টা পৰিয়ালৰ আশ্ৰয়স্থল ৷

আৰক্ষীৰ জালত পৰিল দীৰ্ঘদিন ধৰি ৩১ নং ৰাষ্ট্ৰীয় ঘাইপথত ত্ৰাসৰ সৃষ্টি কৰা দুই চিলনী চোৰ ৷ ৰাইজৰ সহযোগত কমলপুৰ আৰক্ষীয়ে আটক কৰিছে চোৰ দুটাক ৷

কংগনা ৰাণাৱটৰ মুম্বাইস্থিত বাসগৃহত বি এম চিৰ উচ্ছেদ অভিযান ৷ ব'ম্বে উচ্চ ন্যায়ালয়ত আবেদন ৷ উচ্ছেদ অভিযান স্থগিত ৰখাৰ আদেশ বম্বে উচ্চ ন্যায়ালয়ৰ ৷ বি এম চিৰ এই অভিযানক ফেচিবাদ আখ্যা অভিনেত্ৰী গৰাকীৰ ৷

মঙলবাৰে মালিগাঁওস্থিত উত্তৰ-পূৱ সীমান্ত ৰে'লৱেৰ মুখ্য কাৰ্যালয়ৰ সন্মুখত এক প্ৰতিবাদী কাৰ্যসূচী ৰূপায়ন কৰে পূৰ্বোত্তৰ সীমান্ত ৰে'লৱে কৰ্মচাৰী সংঘৰ লগতে কেইবাটাও ৰে'ল কৰ্মচাৰী সংগঠনে ৷ ৰে'ল ব্যক্তিগতকৰণৰ বিৰুদ্ধে প্ৰতিবাদ সাব্যস্ত কৰিলে ৰে'ল কৰ্মচাৰী সকলে ৷

মৰিগাঁৱৰ জিলা কৃষি বিষয়াৰ কাৰ্যালয়ত দেখিবলৈ পোৱা গৈছে ৰাইজৰ লানি নিছিগা সোঁত ৷ COVID-19 ৰ প্ৰট'কল ভংগ কৰি পৰিলক্ষিত হোৱা লোকসকলৰ মাজত চলিছে আধাৰ কাৰ্ড সংগ্ৰহৰ নামত এক অঘোষিত প্ৰতিযোগিতা ৷