20 চেপ্তেম্বৰত আক্ৰাছুৰ 12 ঘন্টীয়া অসম বন্ধ

বঙাইগাঁৱত সংবাদমেল যোগে এন আৰ চিৰ ওপৰত ক্ষোভ উজাৰিলে আক্ৰাছুৱে ৷

বঙাইগাঁও, 14 চেপ্তেম্বৰ: এইবাৰ এন আৰ চিৰ ওপৰত অসন্তুষ্ট হৈ অহা 20 চেপ্তেম্বৰত অসম বন্ধ ঘোষণা কৰিলে কোচ ৰাজবংশী ছাত্ৰ সন্থা চমুকৈ আক্ৰাছুৱে ৷ শনিবাৰে বঙাইগাঁৱত অনুষ্ঠিত এক সাংবাদমেল যোগে এই কথা সদৰি কৰে সংগঠনটোৱে ৷ এন আৰ চিৰ পৰা প্ৰায় 58 হাজাৰ কোচ ৰাজবংশী লোকৰ নাম বাদ পৰাত তীব্ৰ ক্ষোভ প্ৰকাশ কৰে সংগঠনটোৱে ৷ উপ সভাপতি খিতিশ বৰ্মন,সাধাৰণ সম্পাদক গোকুল বৰ্মন আৰু মুখ্য উপদেষ্টা প্ৰদীপ ৰায় উপস্থিত থকা সংবাদমেলখনত বাদ পৰা সকলো কোচ ৰাজবংশী লোকৰ নাম বিদেশী ন্যায়াধীকৰণলৈ নোযোৱাকৈ এন আৰ চিত সন্নিবিষ্ট কৰাৰ দাবীত 20 চেপ্তেম্বৰত অসম বন্ধ ঘোষণা কৰে ৷ লগতে অহা 30 চেপ্তেম্বৰত সংগঠনটোৱে দিল্লীত ধৰ্ণা কাৰ্যসূচী গ্ৰহণ কৰিব বুলিও সংবাদিকৰ আগত জনায় ৷ ইয়াৰ পাছতো যদি চৰকাৰ অতি সোনকালে কোনো ফলপ্ৰসূ পদক্ষেপ গ্ৰহণ নকৰে তেন্তে আগন্তুক সময়ত আৰু অধিক আন্দোলনৰ বাবে প্ৰস্তুত থাকিবলৈ চৰকাৰক সংগঠনটোৱে সংবাদমেল যোগে স্পষ্ট কৰি দিয়ে ৷