চিটাৰা ডেস্ক, 28 ফেব্ৰুৱাৰী: বলীউডৰ ছুপাৰষ্টাৰ অক্ষয় কুমাৰক কোনে চিনি নাপায় (Superstar Akshay Kumar) ৷ অতি কম সময়তে অক্ষয়ে দৰ্শকক উপহাৰ দিয়ে তেওঁৰ প্ৰত্যেকখন ছবি ৷ কেতিয়াবা যদি হাস্যকৰ চৰিত্ৰত আন কেতিয়াবা আকৌ গম্ভীৰ চৰিত্ৰ আন কেতিয়াবা আকৌ ব্যতিক্ৰমী চৰিত্ৰত অভিনয় কৰি দৰ্শকৰ মন জয় কৰি আহিছে এইগৰাকী অভিনেতাই ৷ চলচ্চিত্ৰ জগতত অক্ষয়ৰ কেৰিয়াৰত বহুকেইখন ব্লকবাষ্টাৰ ছবি উপহাৰ দিছে দৰ্শকক ৷ পূৰ্বে বক্স অফিচত অভিনেতাগৰাকীৰ এখনৰ পিচত আনখন ছবি হিট হৈছিল ৷ কিন্তু সময়ৰ লগে লগে যেন সকলো সলনি হৈ গ’ল অক্ষয়ৰ কেৰিয়াৰত ৷
বিগত কিছু সময় ধৰি অভিনেতাগৰাকীৰ যাদু যেন এক প্ৰকাৰে বক্স অফিচত দৰ্শকক মোহিত কৰাত ব্যৰ্থ হৈ পৰিছে । বিগত কিছু সময় ধৰি অভিনেতাগৰাকীৰ এটাৰ পিচত আনটো ছবি বিগ ফ্লপ হ’ব ধৰিছে ৷ যাৰ ফলত ছুপাৰষ্টাৰগৰাকীৰ কেৰিয়াৰত আহি পৰিছে এক নিস্তব্ধতা ৷ শেহতীয়াকৈ অক্ষয়ৰ অভিনীত ছবি ৰক্ষা বন্ধন, সম্ৰাট পৃথ্বীৰাজ, বচ্চন পাণ্ডেকে আদি কৰি চেলফি বক্স অফিচত ফ্লপ হৈছে ৷ মুঠৰ ওপৰত বিগত কিছু সময় ধৰি দৰ্শকৰ মন জয় কৰাত ব্যৰ্থ হৈ পৰিছে ছুপাৰষ্টাৰগৰাকী (Akshay Kumar Flop Cinemas) ৷
সেয়াহে নিজকে এই ব্যৰ্থতাৰ পৰা আতৰাই ছবি জগতৰ পৰা বিৰতি ল’ব খুজিছিল অক্ষয়ে ৷ ছবিৰ জগতৰ পৰা বিৰতি লৈ অক্ষয়ে মাৰ্চ মাহত দ্য এণ্টাৰটেইনাৰ্ছ ভ্ৰমণৰ বাবে উত্তৰ আমেৰিকালৈ জেটত যাত্ৰা কৰাৰ কথা ঘোষণা কৰিছিল । কিন্তু অভিনেতাগৰাকীৰ ছবিৰ দৰে তেওঁৰ যাত্ৰাও যেন সফল নোহোৱাৰ পথত (The Entertainers tour) ৷
খবৰ অনুসৰি, শ্ব’টোৰ প্ৰমোটাৰে শ্বেয়াৰ কৰিছে যে নিউ জাৰ্ছিত হ’বলগীয়া দ্য এণ্টাৰটেইনাৰ্ছ শ্ব’ৰ “টিকটৰ বিক্ৰী লেহেমীয়া”ৰ বাবে ইতিমধ্যেই বাতিল কৰা হৈছে । ৪ মাৰ্চত অনুষ্ঠিত হ’বলগীয়া এই অনুষ্ঠানটো আছিল পাঁচখন চহৰ ভ্ৰমণৰ দ্বিতীয়টো শ্ব’ (Akshays magic failing to impress audience)। ইফালে যিসকলে ব্যক্তিয়ে ইতিমধ্যে টিকট বুকিং কৰিছিল তেওঁলোকে সম্পূৰ্ণ ধন ঘূৰাই পাব বুলি আশ্বাস দিয়ে প্ৰমোটাৰে । বাকী চাৰিটা শ্ব’ সময়সূচী অনুসৰি অনুষ্ঠিত হ’ব ।
দ্য এণ্টাৰটেইনাৰ্ছ ভ্ৰমণত গায়িকা চেটবিন বেন, গায়িকা-সুৰকাৰ জেছলিন ৰয়েল, অপাৰশক্তি খুৰানা, মৌনি ৰয়, দিশা পাটানি, নোৰা ফাতেহী, সোণম বাজৱা, জাহৰা খানৰ দৰে অভিনেতাও অংশগ্ৰহণ কৰিব। ৩ মাৰ্চত জৰ্জিয়াৰ ডুলুথত অনুষ্ঠানৰ জৰিয়তে গ্ৰুপটোৱে ভ্ৰমণ আৰম্ভ কৰিব আৰু ১২ মাৰ্চত কেলিফৰ্ণিয়াৰ শ্ব’ৰ জৰিয়তে অন্ত পৰিব এই ভ্ৰমণৰ (Akshay Kumars US concert cancelled) ।
চলিত মাহৰ আৰম্ভণিতে অক্ষয়ে দ্য এণ্টাৰটেইনাৰ্ছৰ প্ৰচাৰমূলক ভিডিঅ’ক লৈ ছ’চিয়েল মিডিয়াৰ ক্ষোভৰ সন্মুখীন হৈছিল ৷ ভিডিঅ’টোত অভিনেতাগৰাকীক ভাৰতৰ মানচিত্ৰৰ ওপৰেৰে খোজ কাঢ়ি যোৱা দেখা গৈছিল। ইয়াৰ পিচতে অভিনেতাগৰাকী সন্মুখীন হৈছিল যথেষ্ট ট্ৰ’লিঙৰ ৷ কাৰণ একাংশ নেটিজেনে অভিনেতাগৰাকীক কানাডাৰ নাগৰিকত্বৰ কথা আঙুলিয়াই তেওঁৰ আনুগত্যৰ ওপৰত প্ৰশ্ন উত্থাপন কৰিছিল ।
লগতে পঢ়ক: Kangana Ranaut controversy: কোন হয় কংগনাৰ Male Vesrion? নিজেই প্ৰকাশ কৰিলে কংগনাই
