নেশ্যনেল ডেস্ক, ১৫ জুন: দেওবাৰে সমগ্ৰ বলিউডৰ লগতে দেশবাসীক জোকাৰি গৈছে বলিউডৰ জনপ্ৰিয় অভিনেতা সুশান্ত সিং ৰাজপুতৰ আত্মহত্যাই । ইয়াৰ মাজতে বলুকা শিল্পী মানস কুমাৰ সাহোৱে ওড়িশাৰ পুৰীৰ সাগৰীয় বালিত অভিনেতা সুশান্তৰ প্ৰতিমূৰ্তি অংকণ কৰি তেওঁক শ্ৰদ্ধাঞ্জলি জ্ঞাপন কৰে ।
বলুকা শিল্পী মানসে সুশান্তৰ অন্তিমখন ছবি চিচোৰেৰ চৰিত্ৰটোৰ এটা প্ৰতিমূৰ্তি অংকণ কৰি তাত "You will always live with us" বুলি লিখি শোক প্ৰকাশ কৰে । লগতে, মমবাতি আৰু ফুলেৰে প্ৰতিমূৰ্তিটো সজাই বিপৰীত দিশত "Tribute to Sushant Singh Rajput" বুলি অংকণ কৰে শিল্পীগৰাকীয়ে ।
