নিউজ ডেস্ক, 15 মে': পশ্চিমবংগৰ হাওৰাত থকা এটা বস্তি অঞ্চলৰ 38 গৰাকী লোকৰ দেহত COVID-19 পজিটিভ পোৱা গৈছে । এগৰাকী জিলা বিষয়াই এই কথা সদৰি কৰে ।
এক সূত্ৰৰ পৰা প্ৰকাশিত তথ্য অনুসৰি, এই বস্তি অঞ্চলটোত বাস কৰে তিনি হাজাৰৰো অধিক লোকে ।
বিষয়া গৰাকীয়ে কয় যে, "বস্তি অঞ্চলত থকা 1500 ৰো অধিক লোকে হাওৰা পৌৰ নিগমৰ বাবে কাম কৰে । সেইটো গভীৰ চিন্তাৰ বিষয় ।"
উল্লেখ্য যে, বস্তি অঞ্চলটোৰ প্ৰথমটো কেচ 3 মে'ত পোহৰলৈ আহিছিল ।
অত্যাধিক জনবসতিৰ ঘনত্ব থকা বস্তি অঞ্চলটোৰ 150 গৰাকী লোকৰ পৰা পৰীক্ষণৰ বাবে নমুণা সংগ্ৰহ কৰা হৈছিল । তাৰে ভিতৰত 38 জনৰ নমুনাত ধৰা পৰিছে কৰ'ণা ভাইৰাছৰ সংক্ৰমন । বৰ্তমান উক্ত অঞ্চলটো ছীল কৰি দিয়া হৈছে আৰু অধিক পৰীক্ষণৰ পৰিকল্পনা কৰা হৈছে বুলি বিষয়াগৰাকীয়ে জানিবলৈ দিয়ে ।
