কৃষ্ণাইত হস্তনিৰ্মিত ৰাইফলসহ যুৱকক গ্ৰেপ্তাৰ - Crime in Goalpara

গোৱালপাৰা, ২৪ এপ্ৰিল : গোৱালপাৰা জিলাৰ কৃষ্ণাইত হস্তনিৰ্মিত ৰাইফলসহ এজন যুৱকক গ্ৰেপ্তাৰ । অসম-মেঘালয় সীমান্তত মামু ৰাভা (৩২) নামৰ যুৱকজনক কালি ৰাইফলসহ আৰক্ষীয়ে গ্ৰেপ্তাৰ । দীৰ্ঘদিন ধৰি মামু ৰাভাই অবৈধভাৱে ঘৰত ৰাখিছিল ৰাইফলটো । কৃষ্ণাইৰ অসম-মেঘালয় সীমান্তৰ বামুনেপানীখোৱা গাঁৱত আৰক্ষীয়ে অভিযান চলাই মামু ৰাভাক গ্ৰেপ্তাৰ কৰাৰ লগতে তেওঁৰ বাসগৃহৰ পৰা হস্তনিৰ্মিত ৰাইফলটো উদ্ধাৰ কৰে ৷

আৰক্ষীয়ে এই সন্দৰ্ভত কয় যে মামু ৰাভাই ৰাইফলটো প্ৰস্তুত কৰি ঘৰত অবৈধভাৱে ৰাখিছিল ৷ অৱশ্য়ে হস্তনিৰ্মিত ৰাইফলটো বন্যহস্তী খেদিবলৈহে ব্যৱহাৰ কৰি আহিছে এই যুৱকজনে ৷ কিন্তু হস্তনিৰ্মিত বন্দুকৰ কোনো ধৰণৰ বৈধ নথিপত্ৰ নথকাৰ অভিযোগত আৰক্ষীয়ে ৰাইফলটো জব্দ কৰাৰ লগতে মামু ৰাভাক গ্ৰেপ্তাৰ কৰে ।

লগতে পঢ়ক: পিষ্টল দেখুৱাই যুৱকক গুলীয়াই দিয়াৰ ভাবুকি - Threatened To Shoot