বোৱাৰীয়েকক চোকা অস্ত্ৰৰে মৰিয়াই হত্যা জেঠালেকৰ

তিনিচুকীয়া, ২০ ফেব্ৰুৱাৰী: তিনিচুকীয়া জিলাৰ ডিগবৈ ৩ নং বৰবিলত এক লোমহৰ্ষক হত্যাকাণ্ড‌ সংঘটিত হৈছে ৷ চোকা অস্ত্ৰৰে মৰিয়াই মৰিয়াই এগৰাকী বোৱাৰীক হত্যা কৰাৰ ঘটনা পোহৰলৈ আহিছে ৷ মৃত মহিলাগৰাকীৰ নাম দীপমালা টুডু (২১) বুলি জানিব পৰা গৈছে । বোৱাৰীগৰাকীক স্বামীৰ ভাতৃ আৰু পত্নীয়ে মিলি হত্যা কৰাৰ অভিযোগ উত্থাপন হৈছে ৷ মৃত বোৱাৰীগৰাকীৰ স্বামী ঘৰত নথকা অৱস্থাত এই ঘটনা সংঘটিত হৈছে বুলি জানিব পৰা গৈছে ৷ 

ইতিমধ্যে ঘটনাস্থলীত ডিগবৈ আৰক্ষী উপস্থিত হৈ মহিলাগৰাকীৰ স্বামীৰ ভাতৃ মুনিন টুডু আৰু পত্নী চুমি টুডুক সোধা পোছাৰ বাবে আটক কৰিছে ৷ পৰৱৰ্তী সময়ত আৰক্ষীৰ তদন্ততহে সমগ্ৰ ঘটনা পোহৰলৈ আহিব ৷ আৰক্ষীয়ে মহিলাগৰাকীৰ মৃতদেহটো উদ্ধাৰ কৰি মৰণোত্তৰ পৰীক্ষাৰ বাবে প্ৰেৰণ কৰিছে ৷

লগতে পঢ়ক: লাভ জিহাদৰ ঘটনা ! দল-সংগঠনৰ অভিযোগক নস্যাৎ যুৱতীৰ