ৰঙিয়াত বোমা বিচাৰি চলাথ আৰক্ষীৰ - 78th Independence day

ৰঙিয়া, ১৫ আগষ্ট : ৭৮ সংখ্যক স্বাধীনতা দিৱসৰ দিনা বোমাৰ আতংকই জোকাৰি গৈছে সমগ্ৰ ৰাজ্য । ৰঙিয়াতো বোমা বিচাৰি অভিযান ৰঙিয়া আৰক্ষীৰ । মেটেল ডিটেক্টৰ লৈ আৰক্ষীৰ দলে তন্নতন্নকৈ ৰঙিয়াৰ কেইবাটাও স্থানত অভিযান চলায় ।

উল্লেখ্য যে আলফা (স্বাধীন)ৰ ই-মেইল ৰাজহুৱা হোৱাৰ পিচত ৰাজ্যজুৰি চাঞ্চল্যৰ সৃষ্টি হৈছে । একে অৱস্থা ৰঙিয়াতো । আনহাতে, আৰক্ষীৰ অভিযানত আতংকিত হৈ পৰে প্ৰত্যক্ষদৰ্শী । আলফা (স্বাধীন)ৰ পৰা অহা এক ই-মেইলত ৰাজ‍্যখনৰ ১৯ ঠাইত বোমা স্থাপন কৰাৰ বাতৰি ৰাজহুৱা হোৱাৰ লগে লগে তৎপৰ হৈ পৰে ৰঙিয়া আৰক্ষী প্ৰশাসন । কিয়নো আলফা (স্বাধীন)ৰ পৰা অহা ই-মেইলত ৰঙিয়া-তামুলপুৰ পথৰ এছ বি আইৰ ৱেলকাম লিখা থকা ব'ৰ্ডৰ কাষতেই বোমা থোৱা বুলি উল্লেখ কৰাৰ পিচত ৰঙিয়া আৰক্ষীয়ে ৰঙিয়াত অভিযান চলাই তন্নতন্নকৈ পৰীক্ষা কৰিছে উক্ত স্থানত ।

পথটোৰ বিভিন্ন স্থানত মেটেল ডিটেক্টৰ তথা আন সঁজুলিৰে অভিযান অব‍্যাহত ৰাখিছে আৰক্ষীৰ কেইবাটাও দলে । অৱশ্যে বৰ্তমানলৈকে বোমা বা কোনো বিস্ফোৰক সামগ্ৰী উদ্ধাৰ হোৱা নাই যদিও আৰক্ষীয়ে বিভিন্ন স্থানত অভিযান অব‍্যাহত ৰাখিছে ।

লগতে পঢ়ক :আন এক ধেমাজিকাণ্ডৰ পৰা ৰক্ষা পৰিল অসম: 19 টা স্থানত আলফা(স্বাঃ)ই ৰাখি থোৱা বোমা নুফুটিল কাৰিকৰী কাৰণত - 78th Independence Day

লগতে পঢ়ক : লখিমপুৰৰ দুটা স্থানত উদ্ধাৰ সন্দেহজনক বোমা - ULFA I bomb plans