আৰক্ষীৰ অভিযানত সোণ, নগদ ধনসহ আটক তিনি সৰবৰাহকাৰী - Smugglers Arrested

হোজাই, 17 জুন : হোজাইৰ লংকাত আৰক্ষীৰ অভিযানত সোণ, নগদ ধনসহ আটক তিনিজন ব্যক্তি ৷ এই সম্পৰ্কে আজি হোজাই জিলাৰ আৰক্ষী অধীক্ষক সৌৰভ গুপ্তাই জানিবলৈ দিয়ে যে লংকা আৰক্ষীয়ে লংকাৰ ষ্টেচন ৰোডত থকা এখন হোটেলৰ পৰা আটক কৰে এই তিনিজন লোকক ৷ আটকাধীন তিনিজনৰ নাম ক্ৰমে কৃষাণ ৰডা,গঞ্জন আৰু ৰাজেন্দ্ৰ পাৰ্টি ৷ আটকাধীন ব্যক্তিকেইজনৰ ঘৰ মহাৰাষ্ট্ৰত বুলি জনায় আৰক্ষী অধীক্ষকগৰাকীয়ে ৷  

আটকাধীন লোক তিনিজনৰ পৰা দুটা সোণৰ বিস্কুটসহ প্ৰায় 9 লাখ 50 হাজাৰ টকা জব্দ কৰিছে আৰক্ষীয়ে ৷ হোটেলখনৰ কোঠাত থকা অৱস্থাত লংকা আৰক্ষীৰ এটি দলে গোপন সূত্ৰৰ পম খেদি চলাইছিল এই অভিযান ৷ কৰ পৰা কেনেকৈ এই সোণৰ টুকুৰা অনা হৈছিল এই সম্পৰ্কে বৰ্তমান আটকাধীন ব্যক্তিকেইজনক লংকা আৰক্ষী থানাত জেৰা অব্যাহত ৰখা হৈছে বুলি জানিব পৰা গৈছে ৷ 

লগতে পঢ়ক : আমগুৰিৰ বৰবাম গ্ৰাণ্টত জব্দ চাৰি কোটি টকাৰ ড্ৰাগছ - Drugs seized in Amguri