মিছন সুদখোৰ: কাছাৰত গ্ৰেপ্তাৰ তিনি সুদখোৰ

শিলচৰ, 25 ফেব্ৰুৱাৰী : সুদখোৰৰ বিৰুদ্ধে ৰাজ্যত অব্যাহত আছে আৰক্ষীৰ অভিযান । মুখ্যমন্ত্ৰীৰ নিৰ্দেশনাৰ পিচতে ৰাজ্যৰ বিভিন্ন প্ৰান্তত ইটোৰ পাচত সিটো সুদখোৰ পৰিছে আৰক্ষীৰ জালত । সমগ্ৰ ৰাজ্যৰ লগতে কাছাৰতো সুদখোৰ বিচাৰি আৰক্ষীৰ অভিযান চলিছে । শনিবাৰে নিশা কাছাৰৰ ধলাইত অভিযান চলাই আৰক্ষীয়ে গ্ৰেপ্তাৰ কৰে তিনি সুদখোৰক । ধলাই থানাৰ ভাৰপ্ৰাপ্ত আৰক্ষী বিষয়া মনোজ বৰাৰ নেতৃত্বত চলা এই অভিযানত গ্ৰেপ্তাৰ কৰা হৈছে সন্তোষ কুমাৰ দাস, মৃণ্ময় কান্তি দাস আৰু ৰাজনাৰায়ণ গোৱালা নামৰ তিনি সুদখোৰক । 

ধলাই আৰক্ষী চকীত এগৰাকী ভুক্তভোগী মহিলাই ৰুজু কৰা গোচৰৰ ভিত্তিত আৰক্ষীয়ে গ্ৰেপ্তাৰ কৰে তিনি সুদখোৰক । সম্প্ৰতি ধৃত তিনি সুদখোৰক আৰক্ষীয়ে জেৰা অব্যাহত ৰাখিছে ।

আজিৰ পৰা দুদিনৰ পূৰ্বে শিলচৰত সুদখোৰ বিচাৰি চলা আৰক্ষীৰ অভিযানত মহিলাসহ পাঁচ সুদখোৰ গ্ৰেপ্তাৰ কৰা হৈছিল ৷ কাছাৰ আৰক্ষীৰ এটা দলে জিলাৰ বিভিন্ন স্থানত অভিযান চলাই এজন মহিলাসহ পাঁচ সুদখোৰক গ্ৰেপ্তাৰ কৰিবলৈ সক্ষম হৈছিল ৷ লগতে আৰক্ষীয়ে জব্দ কৰিছিল নগদ 3 লাখ 50 হাজাৰ টকাসহ কেইবা লাখ টকাৰ সোণৰ আ অলংকাৰ আৰু কেইবাখনো বেংক পাছবুক ।

লগতে পঢ়ক: নুনমাটি থানা চৌহদত প্ৰচণ্ড মাৰপিট; ৰহস্যজনক স্থিতিত নুনমাটি আৰক্ষী